Ahilyanagar Crime : अहिल्यानगर शहरातील पत्रकार सुशील थोरात आणि त्यांच्या मुलावर प्राणघातक हल्ला करून पसार झालेल्या तिघांना स्थानिक गुन्हे शाखेच्या पथकाने छत्रपती संभाजीनगर परिसरातून ताब्यात घेतले. हेमंत उर्फ सोनू दत्तात्रय कोहक (वय २७, रा. बोल्हेगाव, अहिल्यानगर), महेश उर्फ पप्पू दशरथ मते (वय २७, रा. सावेडी, अहिल्यानगर), प्रशांत शिवाजी निक्रड (वय २५, रा. सावेडी, अहिल्यानगर) असे अटक करण्यात आलेल्या संशयितांची नावे आहेत. (Ahilyanagar Crime News)
Ahilyanagar : देशभरात श्रावण महिन्यानिमित्त उत्साहाचे वातावरण आहे. शिवमंदिरात मोठ्या प्रमाणात भाविक गर्दी करत आहे.अनेक ठिकाणी श्रवणानिमित्त उत्सव आणि ...
नेमकं काय घडलं ?
20 ऑगस्ट रोजी पत्रकार सुशील थोरात यांच्या कारला सोनू कोहक याने दुचाकीने धडक दिली होती. यावरून दोघांमध्ये वाद झाला. तसेच थोरात यांनी संशयितांविरोधात बातम्या प्रसिद्ध केल्याचा राग मनात असल्याचे पोलिसांच्या तपासात समोर आले आहे. या वादानंतर सोनू कोहक, पप्पू मते, विकी ढवण, प्रशांत निक्रड आणि एका अनोळखी व्यक्तीने थोरात व त्यांच्या मुलाला मारहाण केल्याचा आरोप आहे. घटनेनंतर संशयित पसार झाले होते. प्रकरणाचे गांभीर्य लक्षात घेऊन पोलीस अधीक्षक मुम्मका सुदर्शन यांनी स्थानिक गुन्हे शाखेला संशयितांचा तातडीने शोध घेण्याच्या सूचना दिल्या. त्यानुसार स्थानिक गुन्हे शाखेचे निरीक्षक संतोष मुटकुळे यांनी दोन स्वतंत्र पथके तयार केली. (Ahilyanagar Crime News)
Nashik : देशभरात कांद्याच्या दरात तब्बल ५९ टक्क्यांनी वाढ झाल्याने केंद्र सरकारने बाजारातील कांद्याचा पुरवठा वाढविण्यास सुरुवात केली आहे. दर नियंत्रणात ...
छत्रपती संभाजीनगरातून तिघे ताब्यात
पोलिसांनी बातमीदारांकडून मिळालेली माहिती, सीसीटीव्ही फुटेज आणि तांत्रिक विश्लेषणाच्या आधारे संशयितांचा माग काढण्यास सुरुवात केली. तपासादरम्यान 24 ऑगस्ट रोजी हेमंत कोहक हा त्याच्या साथीदारांसह छत्रपती संभाजीनगर (Chhatrapati Sambhajinagar) येथील वाळुंज एमआयडीसी परिसरात असल्याची माहिती पोलिसांना मिळाली. मिळालेल्या माहितीच्या आधारे पोलिसांनी परिसरात सापळा रचून हेमंत कोहक, महेश मते आणि प्रशांत निक्रड या तिघांना ताब्यात घेतले. चौकशीदरम्यान त्यांनी पत्रकार थोरात आणि त्यांच्या मुलाला मारहाण केल्याची माहिती दिल्याचे पोलिसांनी सांगितले. दरम्यान, हेमंत कोहक आणि प्रशांत निक्रड हे सराईत गुन्हेगार असल्याची माहिती पोलिसांनी दिली आहे. या प्रकरणातील इतर संशयितांचा शोध सुरू असून, पुढील तपास स्थानिक गुन्हे शाखेकडून केला जात आहे. (Ahilyanagar Crime News)
Dhule Crime News : धुळे जिल्ह्यातील साक्री तालुक्यात एक संतापजनक घटना घडली आहे. साक्री तालुक्यातील रायपूर येथे फोन करून तरुणीचे ठरलेले लग्न मोडण्याचा प्रयत्न ...
आरोपी सराईत गुन्हेगार
दरम्यान, ताब्यात घेतलेल्या आरोपींपैकी सोनू कोहक व प्रशांत निक्रड हे सराईत गुन्हेगार आहेत. सोनू कोहकवर यापूर्वी तोफखाना पोलिस ठाण्यात जीवे मारण्याचा प्रयत्न केल्याचा गुन्हा दाखल आहे. तर, प्रशांत निक्रडवरही गंभीर स्वरूपाचा गुन्हा दाखल आहे.