मुंबई : महाराष्ट्र परिवहन विभागाने राज्यातील वाहनांच्या प्रदूषण नियंत्रण प्रमाणपत्र म्हणजेच PUC प्रमाणपत्राच्या शुल्कात २० टक्क्यांनी वाढ केली आहे. राज्यातील सर्व PUC केंद्रांना सुधारित दर लागू करण्याचे निर्देश देण्यात आले आहेत. त्यामुळे आता वाहनधारकांना PUC काढण्यासाठी पूर्वीपेक्षा अधिक पैसे मोजावे लागणार आहेत.
नागपूर : शिक्षण कौशल्य, क्रीडा स्टार्टअप आदी क्षेत्रात युवा पिढीचा सकारात्मक सहभाग आहे. त्यांचा हा सहभाग वाढविण्यासोबतच संपूर्ण मदत देण्यात येईल ...
कोणत्या वाहनासाठी किती शुल्क?
नवीन शुल्कानुसार दुचाकी वाहनांसाठी ₹५० ऐवजी ₹६०, पेट्रोलवरील तीनचाकी वाहनांसाठी ₹१०० ऐवजी ₹१२०, पेट्रोल/CNG चारचाकी वाहनांसाठी ₹१२५ ऐवजी ₹१५०, तर डिझेल वाहनांसाठी ₹१५० ऐवजी ₹१८० शुल्क आकारले जाणार आहे.परिवहन विभागाच्या माहितीनुसार, महाराष्ट्र राज्य PUC केंद्र मालक संघटनेने चाचणी शुल्क वाढवण्याची मागणी केली होती.
PUC केंद्रांवर नवीन दरांचा फलक बंधनकारक
सर्व PUC केंद्रांच्या मालकांना सुधारित शुल्काचे फलक ठळकपणे लावण्याचे निर्देश देण्यात आले आहेत. वाहनधारकांकडून निर्धारित शुल्कापेक्षा जास्त रक्कम आकारली जाऊ नये, याची दक्षता घेण्याचे आदेशही अधिकाऱ्यांना देण्यात आले आहेत.
दरम्यान, परिवहन विभागाच्या ‘वायुवेग’ भरारी पथकांकडून PUC केंद्रांवर या नवीन दरांची अंमलबजावणी होत आहे की नाही, यावर देखरेख ठेवली जाणार आहे.
केंद्रीय मोटार वाहन नियमांनुसार, रस्त्यावर धावणाऱ्या पेट्रोल, डिझेल आणि CNG वाहनांसाठी वैध PUC प्रमाणपत्र आवश्यक आहे. त्यामुळे वाहनधारकांनी PUC प्रमाणपत्राची वैधता तपासून वेळेत नूतनीकरण करून घेणे महत्त्वाचे ठरणार आहे.