बीड: परळी शहरातील इंदिरानगर परिसरात एका २३ वर्षीय जिम ट्रेनर तरुणीने राहत्या घरी गळफास घेऊन आपली जीवनयात्रा संपवल्याची अत्यंत दुर्दैवी घटना समोर आली आहे. तुलसी संजय कमळु असे आत्महत्या केलेल्या तरुणीचे नाव असून, या तरुण आणि होतकरू तरुणीने टोकाचे पाऊल उचलल्याने परळी शहरात आणि संपूर्ण परिसरात मोठी हळहळ व्यक्त होत आहे.
लातूर : देवणी येथील आठवडी बाजारात आईपासून दुरावलेल्या अवघ्या चार वर्षीय आरोहीचा देवणी पोलिसांनी अवघ्या चार तासांत शोध घेऊन तिला सुखरूप वडिलांच्या ...
नेमकी घटना काय?
तुलसी परळी शहरातील एका जिममध्ये ट्रेनर म्हणून कार्यरत होती आणि परिसरात ती अत्यंत मनमिळाऊ व परिचित होती. गुरुवारी (२० ऑगस्ट) दुपारी साडेबारा वाजेच्या सुमारास ही घटना उघडकीस आली. घटनेच्या वेळी तिचे कुटुंबीय बाहेरगावी गेले असल्यामुळे ती घरी एकटीच होती. याच एकांतात तिने राहत्या घरी ओढणीच्या साहाय्याने पंख्याला गळफास घेऊन आत्महत्या केली.
मुंबई : मुंबई विद्यापीठाने आपल्या दूरस्थ आणि ऑनलाइन शिक्षण केंद्रामार्फत (CDOE) चालवल्या जाणाऱ्या विविध पदवी आणि पदव्युत्तर अभ्यासक्रमांच्या ऑनलाइन ...
पोलिसांकडून तपास सुरू
घटनेची माहिती मिळताच संभाजीनगर पोलिसांनी तातडीने घटनास्थळी धाव घेतली. पोलिसांनी पंचनामा करून मृतदेह शवविच्छेदनासाठी परळीच्या उपजिल्हा रुग्णालयात पाठवला. याप्रकरणी नातेवाईकांनी दिलेल्या माहितीवरून संभाजीनगर पोलीस ठाण्यात आकस्मिक मृत्यूची नोंद करण्यात आली आहे. तुलसीने इतके टोकाचे पाऊल का उचलले, याबाबतचे नेमके कारण अद्याप समोर आलेले नाही. या प्रकरणाचा सखोल तपास फौजदार चव्हाण यांच्याकडून केला जात असून, पोलिसांकडून सर्व बाजूंनी कसून चौकशी सुरू आहे.
