मुंबई : शिवसेना पक्षाचे धनुष्यबाण चिन्ह गोठवण्याची मागणी केल्याच्या मुद्द्यावरून राजकीय वातावरण तापले आहे. उबाठा गटाच्या या भूमिकेवर शिवसेनेने सोशल मीडियावर एक व्यंगचित्र प्रसिद्ध करत टीका केली आहे. या व्यंगचित्राच्या माध्यमातून बाळासाहेब ठाकरे यांच्या विचारांचा मुद्दा उपस्थित करत उबाठा गटाला लक्ष्य करण्यात आले आहे. (Shiv Sena)
शिवसेनेकडून प्रसिद्ध करण्यात आलेल्या व्यंगचित्रात उद्धव ठाकरे न्यायालयासमोर उभे असून, ‘यांच्याकडे बाळासाहेबांचे विचारही आहेत, तेही गोठवा,’ असा आशय मांडण्यात आला आहे. व्यंगचित्रात भगवा ध्वज, धनुष्यबाणाचे चिन्ह आणि वाघाचे चित्र दाखवण्यात आले आहे. तसेच शिवसेनेचे मुख्य नेते आणि उपमुख्यमंत्री एकनाथ शिंदे यांचेही चित्र त्यात आहे.
व्यंगचित्राच्या माध्यमातून बाळासाहेब ठाकरे यांच्या विचारांचा वारसा पुढे सुरू असल्याचा संदेश देण्याचा प्रयत्न शिवसेनेकडून करण्यात आला आहे. बाळासाहेबांचे हिंदुत्व, मराठी अस्मिता आणि राष्ट्रहिताचे विचार हे शिवसेनेच्या राजकीय भूमिकेचा महत्त्वाचा भाग असल्याचे पक्षाकडून सांगण्यात आले आहे. ( Uddhav Thackeray)
रियासी : जम्मू-काश्मीरच्या रियासी जिल्ह्यातील जगातील सर्वात उंच रेल्वे पूल असलेल्या चिनाब रेल्वे पुलावरून कटरा-श्रीनगर वंदे भारत एक्सप्रेसने ...
पक्षाचे नाव आणि निवडणूक चिन्ह गोठवण्याच्या मागणीसोबत बाळासाहेब ठाकरे यांच्या विचारांनाही गोठवता येईल का, असा सवाल शिवसेनेने उपस्थित केला आहे. हे विचार केवळ एखाद्या व्यक्तीपुरते मर्यादित नसून शिवसैनिक आणि महाराष्ट्राच्या राजकीय वाटचालीशी जोडलेले असल्याचा दावाही करण्यात आला आहे.
धनुष्यबाण चिन्हाबाबत सुरू असलेल्या न्यायालयीन वादाच्या पार्श्वभूमीवर शिवसेनेने हे व्यंगचित्र सोशल मीडियावर प्रसिद्ध केले आहे. या माध्यमातून पक्षाने उबाठा गटाच्या भूमिकेवर राजकीय टोला लगावला असून, बाळासाहेबांच्या विचारांचा वारसा कोण पुढे नेत आहे, यावरूनही राजकीय संदेश देण्याचा प्रयत्न केला आहे. ( Balasaheb Thackeray)
दरम्यान, धनुष्यबाण चिन्हाबाबत न्यायालयीन प्रक्रिया सुरू असल्याने या प्रकरणात पुढील सुनावणी आणि निर्णयाकडे राजकीय वर्तुळाचे लक्ष लागले आहे.
