रक्षाबंधन (Rakshabandhan 2026) म्हणजे बहिणींसाठी खास नटण्याचा आणि आवडीचे कपडे घालण्याचा सण! बाजारातील महागडे आणि तेच तेच रेडीमेड कपडे घेण्यापेक्षा, यंदा स्वतःच्या पसंतीने शिवलेला डिझायनर सूट परिधान करणे हा उत्तम पर्याय आहे. योग्य कापड आणि थोडी कल्पकता वापरून तुम्ही अगदी साध्या कपड्यातही अत्यंत महागडा आणि एलिगंट लुक मिळवू शकता. गुलाबी, पिवळा, हिरवा, लाल आणि पेस्टल रंगाचे कपडे या सणासाठी अगदी परफेक्ट ठरतात.
टेलरला कपडा देण्यापूर्वी 'या' सोप्या टिप्स नक्की वापरा :
टेलरला मनातली डिझाईन तोंडी सांगण्यापेक्षा त्याचा स्पष्ट फोटो दाखवा.
व्ही-नेक, बोट-नेक आणि बाह्यांची लांबी आधीच नक्की करा.
सूटवरील एम्ब्रॉयडरी किंवा गोटा-पट्टीशी मॅच होणाराच दुपट्टा निवडा.
ऐनवेळी होणारी धावपळ आणि घोळ टाळण्यासाठी सणाआधीच कपडे शिवायला द्या.
सणाच्या २-३ दिवस आधी एक ट्रायल घेऊन फिटिंग तपासून घ्या.
दक्षिण भारतात कोणत्याही सण-समारंभाला किंवा पारंपरिक लग्नसमारंभात केळ्याच्या पानावर जेवण वाढण्याची पद्धत अत्यंत लोकप्रिय आहे. केरळच्या प्रसिद्ध ...
यंदा ट्रेंडमध्ये असलेले ५ डिझायनर सूट :
घेरदार अनारकली सूट: सिल्क किंवा जॉर्जेट कापडावर अंगरखा पॅटर्नचा अनारकली सूट सणाच्या दिवशी अतिशय भव्य आणि क्लासिक दिसतो.
मॉडर्न शरारा सेट : शॉट कुर्तीसोबत जोडलेला घेरदार शरारा आणि गोटा-पट्टीची ओढणी तुम्हाला परफेक्ट ट्रॅडिशनल लुक देते.
स्ट्रेट पँट सूट : ज्यांना साधा पण सोबर लुक आवडतो, त्यांच्यासाठी डिझायनर पँट आणि गळ्यावर हलकी नक्षी असलेला स्ट्रेट कुर्ता उत्तम पर्याय आहे.
स्टायलिश पेपलम कुर्ती : वेस्टर्न आणि ट्रॅडिशनलचा मेळ घालणारी पेपलम कुर्ती प्लाझो किंवा शरारासोबत खूपच उठून दिसते.
हेव्ही गळा आणि फुल स्लीव्हज : साध्या कपड्यावर मोत्यांची बॉर्डर किंवा डोरी-लूप्स लावून गळा हेव्ही बनवावा. यामुळे साधा सूटही डिझायनर वाटतो.
फोटो सौजन्य : पिंटरेस्ट
