Jalgaon Crime News: जळगाव जिल्ह्यातील पारोळा तालुक्यातील शिवरे येथे एक ह्रदयद्रावक घटना घडली आहे. ग्रामसभेत (Gram Sabha) झालेला गदारोळ ग्रामसेवकाच्या जीवावर बेतला आहे. ग्रामसभेत काही नागरिकांनी केलेल्या हुल्लडबाजी, शिवीगाळ आणि मारहाणीच्या प्रयत्नामुळे आलेल्या तीव्र मानसिक तणावातून ग्रामसेवक प्रल्हाद पाटील (Gram Sevak Prahlad Patil) (वय 54, रा. ओम नगर, पारोळा) यांना हृदयविकाराचा झटका (Heart Attack) येऊन त्यांचा मृत्यू झाला. या प्रकरणी रात्री उशिरा 6 जणांविरोधात सदोष मनुष्यवधाचा गुन्हा दाखल करण्यात आला आहे.
Nashik News : आपलं घर असावं, हसतं खेळतं कुटुंब असावं आणि आपल्या मुलांचा भविष्य उज्ज्वल असावं असं प्रत्येकालाच वाटतं यासाठी आई वडील मोठे कष्ट करतात बऱ्याचदा ...
कामांच्या जुन्या बिलावरून वाद
मिळालेल्या माहितीनुसार, शिवरे गावात 16 ऑगस्ट रोजी ग्रामसभेचं आयोजन करण्यात आलं होतं. या सभेला गावातील तरुण मंडळींसह सरपंच, पोलीस पाटील व ग्रामपंचायत सदस्य उपस्थित होते. सभा सुरू असताना जुन्या कामांच्या बिलावरून ग्रामस्थ आणि ग्रामसेवक प्रल्हाद पाटील यांच्यात शाब्दिक चकमक उडाली. तर काही तरुणांनी पाटील यांना जाब विचारत अर्वाच्च भाषेत शिवीगाळ केली व त्यांना मारहाण करण्याचा प्रयत्न केला. या वादातून प्रचंड मानसिक धक्का बसल्यानं अस्वस्थ वाटू लागल्यामुळे ग्रामसेवक पाटील हे सभेतून निघून आपल्या घरी गेले. (Jalgaon Crime News)
Nashik TCS Case : नाशिकच्या बहुचर्चित टीसीएस कंपनीतील (TCS Company) अविवाहित तरुणीवरील अत्याचार आणि धर्मांतराचा प्रयत्न प्रकरणात मोठी माहिती समोर येत आहे. निदा खानला ...
हृदयविकाराचा तीव्र झटका
तब्बेत खालावल्याने त्यांना तत्काळ पारोळा येथील खासगी रुग्णालयात दाखल करण्यात आलं. मात्र, प्रकृती अधिक चिंताजनक झाल्यानं पुढील उपचारासाठी दुसऱ्या दवाखान्यात नेलं जात असतानाच त्यांना हृदयविकाराचा तीव्र झटका आला आणि त्यांची प्राणज्योत मालवली. ही घटना सोमवारी दुपारी 2 वाजेच्या सुमारास घडली. त्यांच्या पश्चात पत्नी, तीन मुली आणि एक मुलगा असा परिवार आहे. ग्रामसेवक पी. एन. पाटील यांच्या मृत्यूची बातमी पसरताच सरकारी कर्मचाऱ्यांमध्ये तीव्र संतापाची लाट पसरली आहे. पारोळा, जळगाव, अमळनेर, भडगाव आणि पाचोरा येथील ग्रामसेवक संघटनेच्या अधिकाऱ्यांनी पारोळा पोलीस ठाण्यात (Parola Police Station) धाव घेत ठिय्या आंदोलन केले. मोबाईल व्हिडिओ आणि सीसीटीव्ही फुटेजची तपासणी करून दोषींवर तत्काळ गुन्हे दाखल करण्याची मागणी यावेळी करण्यात आली आहे.(Jalgaon Crime News)
Nashik Crime : नाशिक जिल्हा कायद्याचा बालेकिल्ला खरंच राहिला आहे का असा प्रश्न नाशिकमध्ये घडणाऱ्या गुन्हेगारीच्या घटनांमुळे उपस्थित होत आहे. ...
एका आरोपीस अटक
17 ऑगस्ट रोजी झालेल्या ग्रामसभेमध्ये ग्रामसेवक त्यांच्याशी वाद करणारा संशयित आरोपीस अटक करण्यात आली आहे. सदर घटनेची माहिती मिळताच पारोळा पोलीस ठाण्याने तातडीने कारवाई करत संबंधित सात आरोपींविरुद्ध भारतीय न्याय संहिता (BNS) कलम १०५ (सदोष मनुष्यवध) अन्वये गुन्हा नोंदवला आहे.