मुंबई : राज्यातील ऑटो-रिक्षा आणि टॅक्सी चालकांसाठी 18 ऑगस्टपासून कामापुरते मराठी भाषेचे ज्ञान अनिवार्य करण्यात आले आहे. या नियमाची अंमलबजावणी करण्यासाठी प्रादेशिक परिवहन कार्यालयाच्या (RTO) भरारी पथकांकडून तपासणी केली जाणार आहे. तपासणीदरम्यान चालकाला मराठी भाषेचे आवश्यक व्यावहारिक ज्ञान नसल्याचे आढळल्यास त्याला कारणे दाखवा नोटीस बजावण्यात येणार आहे. भाषा शिकण्यासाठी आणि कारवाई का करू नये, याचे स्पष्टीकरण देण्यासाठी चालकाला एक महिन्याचा कालावधी दिला जाणार आहे. (Taxi drivers)
सुधारित महाराष्ट्र मोटार वाहन नियमांनुसार नियमांचे पालन न करणाऱ्या चालकांवर तीन टप्प्यांत कारवाई केली जाणार आहे. पहिल्या टप्प्यात आरटीओची भरारी पथके अचानक तपासणी करून चालकांचे मराठी भाषेतील व्यावहारिक ज्ञान तपासतील. आवश्यक ज्ञान नसलेल्या चालकाला नोटीस बजावून मूलभूत मराठी शिकण्यासाठी मुदत दिली जाईल.
मुंबई : मध्य रेल्वेने मार्गक्षमता, वेळापत्रक आणि परिचालनाचा ताळमेळ साधत दादर-गोरखपूर आणि दादर-बलिया या विशेष गाड्यांना नियमित करण्याचा निर्णय घेतला ...
नाहीतर चालकांना निलंबित केले जाईल
या मुदतीत चालकाने आवश्यक भाषिक कौशल्य आत्मसात केले नाही आणि नोटिशीचे पालन केले नाही, तर दुसऱ्या टप्प्यात त्याचा वाहन चालविण्याचा परवाना तीन महिन्यांसाठी निलंबित केला जाऊ शकतो. वारंवार नियमांचे उल्लंघन झाल्यास पुढील नोटीस बजावून सुधारित नियमांनुसार चालकाचा परवाना रद्द करण्याची कारवाई केली जाऊ शकते. (Auto Rikshaw)
दरम्यान, गेल्या तीन महिन्यांत राज्यातील 58 आरटीओ कार्यालयांमध्ये आयोजित करण्यात आलेला मूलभूत मराठी भाषा अभ्यासक्रम पूर्ण केलेल्या ऑटो-रिक्षा आणि टॅक्सी चालकांना प्रमाणपत्रे देण्यात येणार आहेत. परिवहन विभागाने एक लाखांहून अधिक प्रमाणपत्रे तयार केली आहेत. ही प्रमाणपत्रे चालकांकडे ठेवण्यात येणार असून, तपासणीदरम्यान ती सादर करता येतील.
चालकांसाठी मराठी भाषा प्रशिक्षण पूर्ण करण्याची अंतिम मुदत 15 ऑगस्ट रोजी संपली आहे. सार्वजनिक वाहतूक चालक आणि प्रवाशांमधील संवाद अधिक सुलभ व्हावा, तसेच प्रवाशांशी प्रभावीपणे संवाद साधता यावा, हा या नियमामागील उद्देश असल्याचे परिवहन विभागाकडून सांगण्यात आले आहे. (Marathi Language)