मुंबई : श्रावण महिना सुरू होताच सोने - चांदी खरेदीदारांची रेलचेल वाढू लागते. येत्या दिवाळीच्या पार्श्वभूमीवर सोने आणि चांदीच्या दरात पुन्हा एकदा जबरदस्त तेजी पाहायला मिळणार आहे. काही काळाच्या करेक्शननंतर बुलियन मार्केटमध्ये खरेदीदारांचा ओघ वाढला आहे. सोने चांदी बाजारातील एकूणच घोडदौड पाहता चांदीचे भाव सोन्याच्या भावापेक्षा अधिक आहेत. मुंबईत एक तोळे म्हणजेच (१० gram) सोन्याचा दर २४ कॅरेटसाठी रू. १,५५,१३० आहे तर २२ कॅरेटसाठी रू. १,४२,२०० इतका आहे. तसेच एक किलो चांदीचा दर २,३४,००० ते २,५५,००० आहे.
आकडेवारीची गणिते...
समोर आलेल्या आकडेवारीनुसार, गेल्या आठवड्यात सोन्याच्या दरात ७ टक्क्यांनी तर चांदीच्या दरात ११ टक्क्यांनी वाद झालेली दिसून येते. तसेच एका महिन्याची सरासरी लक्षात घेता सोने ९ टक्क्यांनी तर चांदी १२ टक्क्यांनी महागली आहे. आता सर्वांचेच लक्ष लागले आहे की सोने चांदीचे दर अजून किती मोठी झेप घेणार आहेत.
- अध्यक्ष नरेंद्र पाटील यांच्या अहवालानंतर मुख्यमंत्र्यांचे आदेश मुंबई : अण्णासाहेब पाटील आर्थिक मागास विकास महामंडळाच्या योजनांचा लाभ घेणाऱ्या ...
सोने चांदीचे दर अचानक का वाढले?
सोने चांदीच्या दरात इतकी वाढ होण्यामागे काही विशेष जागतिक कारणे आहेत. अमेरिकन रोजगार बाजारात कमजोरीचे संकेत मिळाले आहेत, म्हणजेच तेथे नोकऱ्यांची स्थिती आधीच्या तुलनेत मंदावली आहे. रोजगार डेटा कमजोर आल्याने अमेरिकन फेडरल रिझर्व्ह सप्टेंबरमध्ये व्याजदर वाढवण्याची शक्यता आधी ७० टक्के मानली जात होती, ती आता घटून ३५ टक्क्यांवर आली आहे. जेव्हा व्याजदर वाढीची शक्यता कमी होते, तेव्हा गुंतवणूकदारांचा पैसा सुरक्षित मानल्या जाणाऱ्या सोन्या-चांदीकडे वळतो. डॉलरमधील घसरण हेदेखील सोने चांदीच्या दरात वाढ होण्याचे मुख्य कारण असू शकते.
दिवाळीपर्यंत सोन्याचा दर किती वाढेल ?
विश्लेषकांच्या अंदाजानुसार, या वर्षाच्या अखेरपर्यंत किंवा दिवाळीच्या आसपास सोन्यात आणखी १० ते १५ टक्क्यांची वाढ पाहायला मिळू शकते. परंतु या दरांमध्ये वाढ किंवा घटही होऊ शकते. सोने - चांदी यांचे दर अमेरिकन व्याजदर, डॉलरची हालचाल, जागतिक राजकीय तणाव, मध्यवर्ती बँकांची खरेदी आणि स्थानिक मागणी यांसारख्या प्रमुख घटकांवर आधारित असतात.
