Ahilyanagar : नाशिक कुंभमेळ्याच्या (Kumbh Mela) पार्श्वभूमीवर अहिल्यानगर जिल्हा प्रशासनाकडून शिर्डी आणि शनिशिंगणापूरसाठी विशेष नियोजनाला सुरुवात करण्यात आली आहे. कुंभमेळ्यादरम्यान या दोन्ही धार्मिक स्थळांवर मोठ्या संख्येने भाविक दाखल होण्याची शक्यता आहे. या पार्श्वभूमीवर भाविकांची वाहतूक, वाहनतळ, रस्ते आणि नागरी सुविधांचे योग्य नियोजन करण्याच्या सूचना जिल्हाधिकारी डॉ. पंकज आशिया (District Collector Dr. Pankaj Ashiya) यांनी दिल्या आहेत.
नवीकरणीय ऊर्जा प्रकल्पांना मुद्रांक आणि हस्तांतरण शुल्कात भरघोस सूट
पुणे : पुणे प्रादेशिक परिवहन प्राधिकरणाच्या बैठकीत पुणे शहर आणि परिसरातील वाहतुकीशी संबंधित अनेक महत्त्वाचे निर्णय घेण्यात आले. जिल्हाधिकारी तथा ...
विकासकामांना गती देण्याचे निर्देश
चौंडी येथील पुण्यश्लोक अहिल्यादेवी होळकर यांच्या स्मृतीस्थळांचे जतन व संवर्धन तसेच नाशिक कुंभमेळ्याच्या पार्श्वभूमीवर शिर्डी व शनिशिंगणापूर येथे प्रस्तावित विविध विकासकामांना गती देण्याचे निर्देश जिल्हाधिकारी डॉ. आशिया यांनी दिले. जिल्हाधिकारी डॉ. पंकज आशिया (District Collector Dr. Pankaj Ashiya) यांच्या अध्यक्षतेखाली सोमवारी दूरदृश्य प्रणालीद्वारे आयोजित आढावा बैठकीत चौंडी, शिर्डी आणि शनिशिंगणापूर येथील विविध विकास कामांचे नियोजन, प्रस्तावित कामांची सद्यस्थिती आणि आवश्यक प्रशासकीय कार्यवाही याबाबत सविस्तर आढावा घेण्यात आला.
Shalarth ID Scam : तब्बल १६० कोटी रुपयांच्या ‘शालार्थ आयडी’ घोटाळ्याच्या तपासात दिवसेंदिवस धक्कादायक माहिती समोर येत आहे. या प्रकरणाचा तपास करणाऱ्या विशेष तपास ...
भाविकांसाठी पर्यायी पार्किंगची व्यवस्था
शिर्डी आणि शनिशिंगणापूर येथे येणाऱ्या भाविकांसाठी पर्यायी पार्किंगची व्यवस्था उभारण्यावर बैठकीत विशेष भर देण्यात आला. संभाजीनगर तसेच अहिल्यानगर जिल्ह्यातून येणाऱ्या भाविकांसाठी आवश्यक पार्किंगची जागा निश्चित करून त्याबाबतचा प्रस्ताव तातडीने सादर करण्याचे निर्देश जिल्हाधिकाऱ्यांनी संबंधित अधिकाऱ्यांना दिले. घोडेगाव एमआयडीसी परिसरात पार्किंगसाठी किती जमीन उपलब्ध होऊ शकते आणि या ठिकाणी किती वाहनांची पार्किंग क्षमता निर्माण करता येईल, याची प्रत्यक्ष पाहणी करून आवश्यक कार्यवाही करण्याच्या सूचनाही देण्यात आल्या आहेत.
पुणे : पुणे प्रादेशिक परिवहन प्राधिकरणाच्या बैठकीत पुणे शहर आणि परिसरातील वाहतुकीशी संबंधित अनेक महत्त्वाचे निर्णय घेण्यात आले. जिल्हाधिकारी तथा ...
प्रलंबित रस्त्यांची कामे वेळेत पूर्ण करण्याचे निर्देश
दरम्यान, शिर्डी शहरातील प्रलंबित रस्त्यांची कामेही वेळेत पूर्ण करण्याचे निर्देश जिल्हाधिकारी डॉ. आशिया यांनी दिले आहेत. कुंभमेळ्याच्या पार्श्वभूमीवर आवश्यक असलेल्या इतर विकासकामांची पाहणी करून त्यांचे प्रस्तावही तातडीने सादर करण्याच्या सूचना करण्यात आल्या आहेत. नाशिक कुंभमेळ्यामुळे शिर्डी आणि शनिशिंगणापूरमध्ये वाढणारी भाविकांची गर्दी लक्षात घेता, वाहतूक कोंडी टाळणे, वाहनांची योग्य पार्किंग व्यवस्था करणे आणि रस्ते व इतर नागरी सुविधा सक्षम करण्यासाठी प्रशासनाकडून नियोजन करण्यात येत आहे.