Nashik : सप्तशृंगी गडावरील जंगल परिसरात झाडाला गळफास घेतलेल्या अवस्थेत एका अज्ञात युवकाचा मृतदेह आढळून आल्याने खळबळ उडाली आहे. मृतदेह पूर्णपणे कुजलेल्या अवस्थेत असल्याने या युवकाची ओळख पटवण्याचे आव्हान पोलिसांसमोर आहे. सप्तशृंगी गडावरील ग्रामस्थ संदीप शशिकांत बेनके यांच्या निदर्शनास हा प्रकार आला. त्यांनी तात्काळ कळवण पोलीस ठाण्याला याबाबत माहिती दिली. (Nashik Crime News)
Nashik Crime : नाशिकमध्ये एक संतापजनक घटना समोर आली आहे. शिक्षणासाठी शहरात आलेल्या एका विद्यार्थिनीसोबत एका तरुणाने गैरकृत्य केल्याचं समोर आलं आहे. १७ वर्षीय ...
मृताची ओळख पटवण्याचे प्रयत्न सुरू
मिळालेल्या प्राथमिक माहितीनुसार, जगन काळू सूर्यवंशी यांच्या घराजवळील शेताच्या पश्चिम बाजूला असलेल्या जंगलात एका झाडाला युवकाचा मृतदेह लटकलेल्या अवस्थेत आढळून आला. हा युवक अंदाजे ३० ते ३५ वर्षांचा असल्याची माहिती आहे. मृत युवकाच्या अंगावर जांभळ्या रंगाचे जर्किंग आणि काळ्या रंगाची नाईट पॅन्ट आहे. विशेष म्हणजे, त्याच्या उजव्या हातावर ‘छत्रपती’ असे नाव गोंदलेले आढळून आले आहे. या वर्णनाच्या आधारे पोलिसांकडून मृताची ओळख पटवण्याचे प्रयत्न सुरू आहेत. (Nashik Crime News)
Nashik Crime : नाशिकच्या पेठ रोडवरील पिंगळे फार्म आणि सप्तरंग सोसायटी परिसरात रविवारी सकाळी एका मॅनहोलमध्ये अज्ञात व्यक्तीचा कुजलेल्या अवस्थेतील मृतदेह ...
कळवण पोलीस ठाण्यात आकस्मिक मृत्यूची नोंद
या घटनेप्रकरणी कळवण पोलीस ठाण्यात (Kalwan Police Station) आकस्मिक मृत्यूची नोंद करण्यात आली आहे. वरिष्ठ पोलीस निरीक्षक खगेंद्र टेंभेकर यांच्या आदेशाने तसेच सहाय्यक पोलीस उपनिरीक्षक सी. डी. बोंबले यांच्या मार्गदर्शनाखाली पोलीस हवालदार मानसाराम बागुल, योगेश गवळी, संदीप बत्तीसे आणि राजेंद्र चौधरी पुढील तपास करत आहेत. दरम्यान, युवकाची ओळख पटवण्यासाठी पोलिसांकडून अधिक माहिती संकलित केली जात असून, या घटनेमागील नेमके कारण तपासानंतर स्पष्ट होणार आहे.