Shalarth ID Scam : नाशिकच्या शैक्षणिक वर्तुळात खळबळ उडवून देणारा बहुचर्चित शालार्थ आयडी घोटाळ्याचा तपास वेगाने सुरु आहे. या घोटाळ्यात सहभागी असलेले अनेक संशयित पोलिसांच्या ताब्यात आहे. अशातच देवळाली कॅम्प (Deolali Camp) भागातील नामांकित डॉ. सुभाष गुजर हायस्कूलमध्ये बनावट व खोटी कागदपत्रे तयार करून वेतन निश्चिती करत संस्था आणि शासनाची फसवणूक केल्याचा ठपका ठेवत तब्बल ११ शिक्षकांविरुद्ध देवळाली कॅम्प पोलिस ठाण्यात (Deolali Camp Police Station) गुन्हा दाखल करण्यात आला आहे.
Nashik Crime : नाशिकमध्ये एक संतापजनक घटना समोर आली आहे. शिक्षणासाठी शहरात आलेल्या एका विद्यार्थिनीसोबत एका तरुणाने गैरकृत्य केल्याचं समोर आलं आहे. १७ वर्षीय ...
शैक्षणिक वर्तुळात खळबळ
शंकर एज्युकेशन सोसायटीचे (Shankar Education Society)सचिव रतन राजलदास चावला यांनी याबाबात फिर्याद दाखल केली आहे. त्यांच्या फिर्यादीनुसार, डॉ. सुभाष गुजर हायस्कूल (Dr. Subhash Gujar High School) (सिलेक्शन कॉर्नर, पेट्रोलपंपासमोर, देवळाली कॅम्प) येथे सन २००१ ते २५ मार्च २०२२ या कालावधीत हा गैरप्रकार घडला असून संबंधित ११ संशयितांनी संस्थेमध्ये वेतन निश्चितीसाठी जिल्हा परिषद नाशिक तसेच नाशिकच्या शिक्षण उपसंचालक कार्यालय यांच्याकडे कोणताही अधिकृत पत्रव्यवहार अथवा मान्यता ठराव सादर केलेला नव्हता. संशयितांनी परस्पर खोटी व बनावट कागदपत्रे तयार करून वेतन निश्चिती पदरात पाडून घेतली. असे फिर्यादीत नमूद आहे.
Nashik Crime : नाशिकच्या पेठ रोडवरील पिंगळे फार्म आणि सप्तरंग सोसायटी परिसरात रविवारी सकाळी एका मॅनहोलमध्ये अज्ञात व्यक्तीचा कुजलेल्या अवस्थेतील मृतदेह ...
गुन्हा दाखल झालेले ११ संशयित शिक्षक
१) प्रज्ञा नितीन राजे (रा. शांती प्रसाद, हॉस्पिटलजवळ, नाशिक रोड)
२) पूनम समीर मुखर्जी (रा. हिरामय हाउस देवळाली कॅम्प)
३) प्रियंका विजय आहुजा (रा. संजय सोसायटी, लॅम रोड, विहितगाव)
४) लक्ष्मण यशवंत मुसळे (रा. भैरवनाथ नगर, संसरी गाव, नाशिक)
५) कु. विश्वंभरी पंजूमल दौलतानी (रा. साई समर्थ एन्क्लेव्ह, एसबीआय बँकेच्यामागे, देवळाली कॅम्प)
६) शरयू प्रकाश कुलकर्णी (रा. आशर इस्टेट, उपनगर, नाशिक)
७) कु. सविता अर्जुनसिंग अडवाणी (रा. स्पेरींग टाईम मेडो, हरीकिशन नगर, देवळाली कॅम्प)
८) भाग्यश्री संजय हिरे (रा. तुळसी बी, श्रीकृष्ण नगर, बिटको कॉलेजच्यामागे, नाशिक रोड)
९) मनमोहन श्याम हेमनानी (रा. हौसेन रोड, नाशिक)
१०) शोभा तानाजी ढुमणे (रा. सुपर रेसीडन्सी, माणेकशा नगर, द्वारका, नाशिक)
११) सुजाता श्रीकृष्ण ठाकूर (रा. १०२३, जैन व्हिला, देवळाली कॅम्प)
रतन राजलदास चावला फिर्यादीवरून देवळाली कॅम्प पोलिसांनी (Deolali Camp Police Station) फसवणुकीसह गुन्हेगारी कटाचा गुन्हा नोंदवला आहे. उपनिरीक्षक पाडेकर तपास करत आहेत.