मुंबई : समुद्रकिनारी फिरायला जाण्याचा प्लॅन करत असाल तर कपड्यांची निवडही तितकीच महत्त्वाची ठरते. बीचवर उन्हं, वारा आणि दमट वातावरण असल्यामुळे हलके, आरामदायी आणि सहज कॅरी करता येतील असे कपडे निवडणे फायदेशीर ठरते. वेस्टर्न आउटफिट्ससोबतच भारतीय पोशाखांमध्येही बीच ट्रिपसाठी अनेक स्टायलिश पर्याय आहेत. पारंपरिक लूकला मॉडर्न टच देत तुम्ही बीचवर खास दिसू शकता. (Best Outfits For Beach Trip)
1. कॉटन कुर्ती आणि पलाझो : बीच ट्रिपसाठी हलकी कॉटन कुर्ती आणि पलाझो हा आरामदायी पर्याय आहे. पेस्टल, पांढरा, निळा किंवा फ्लोरल प्रिंट असलेली कुर्ती बीचच्या वातावरणाला अगदी शोभून दिसते. त्यासोबत मोठ्या आकाराची सनग्लासेस आणि स्लिंग बॅग कॅरी करू शकता.
2. फ्लोरल मॅक्सी ड्रेस : इंडियन प्रिंट असलेला फ्लोरल मॅक्सी ड्रेस बीचसाठी परफेक्ट ठरू शकतो. हलक्या फॅब्रिकमुळे तो दिवसभर आरामदायी राहतो आणि फोटोसाठीही आकर्षक लूक मिळतो. त्यावर श्रग किंवा हलका दुपट्टा घेतल्यास इंडो-वेस्टर्न टच मिळेल. (Best Outfits For Beach Trip)
3. शॉर्ट कुर्ती + स्कर्ट : पारंपरिक आणि ट्रेंडी लूकचा सुंदर मेळ साधायचा असेल तर शॉर्ट कुर्ती आणि फ्लोई स्कर्ट निवडा. ऑक्सिडाइज्ड ज्वेलरी, झुमके आणि कोल्हापुरी चप्पल यामुळे लूक आणखी खुलून दिसेल.
4. कॉटन अनारकली : बीचवरही एथनिक लूक कायम ठेवायचा असेल तर सैल आणि हलकी कॉटन अनारकली चांगला पर्याय आहे. मात्र जड एम्ब्रॉयडरी किंवा जड फॅब्रिक टाळा. साधी प्रिंटेड अनारकली आणि मिनिमल अॅक्सेसरीज अधिक स्टायलिश दिसतील.
5. लिनेन साडी : थोडा एलिगंट आणि हटके लूक हवा असेल तर लिनेन किंवा हलक्या कॉटनची साडी ट्राय करू शकता. पेस्टल किंवा सॉलिड रंगाची साडी, स्लीव्हलेस किंवा स्ट्रॅपी ब्लाउज आणि मिनिमल ज्वेलरी यामुळे बीचवर आकर्षक इंडियन लूक मिळू शकतो. (Best Outfits For Beach Trip)
अॅक्सेसरीजची निवडही महत्त्वाची :
बीच लूक पूर्ण करण्यासाठी स्ट्रॉ हॅट, सनग्लासेस, क्रॉसबॉडी किंवा रॅटन बॅग आणि आरामदायी फ्लॅट सँडल्स वापरू शकता. जड दागिने टाळून ऑक्सिडाइज्ड किंवा मिनिमल ज्वेलरी निवडा. (Best Outfits For Beach Trip)
