Air India : एअर इंडियाचा कॅप्टन 'डोप टेस्ट'मध्ये दोषी ?

नवी दिल्ली :  थायलंडमधील फुकेतहून राजधानी दिल्लीच्या दिशेने येणाऱ्या 'एअर इंडिया'च्या विमानात ४ ऑगस्ट रोजी एक अत्यंत थरारक आणि घडकी भरवणारी घटना घडली. अचानक हवेचा वेग आणि दाब बदलल्यामुळे (टर्बुलेंस) हे विमान हवेतच तब्बल ३०० फूट खाली आले होते. या संपूर्ण घटनेनंतर, विमान दिल्लीत पोहोचल्यावर विमानाचे कॅप्टन अंमली पदार्थ (डोप) चाचणीत दोषी आढळल्याची माहिती सूत्रांनी दिली आहे. मात्र, विमान कंपनीने या वृत्ताला दुजोरा किंवा नकार दिलेला नाही. (Air India)

थायलंडमधील फुकेतहून ४ ऑगस्ट रोजी सकाळी ८:२५ च्या सुमारास १४५ प्रवाशांना घेऊन एअरबस ए३२० हे एअर इंडियाचे विमान (फ्लॅट क्रमांक) दिल्लीच्या दिशेने रवाना झाले. नियोजित वेळेनुसार सकाळी ११:०७ च्या सुमारास ते दिल्लीत उतरणे अपेक्षित होते. विमान दिल्लीत उतरण्यापूर्वी ओडीसाजवळ आले असताना, 'टर्बुलेंस'मुळे विमानाला झटके बसले आणि ते एकाएकी ३०० फुट खाली आले. यामुळे विमानात प्रचंड भीती व गोंधळाचे वातावरण निर्माण झाले होते. प्रवाशांची आरडाओरड सुरू असतानाच वैमानिकाने मोठ्या कौशल्याने विमान सुरक्षितपणे दिल्ली विमानतळावर उत्तरवले. (Air India)

चाचणीवरून वाद :

एअर इंडियाच्या प्रवक्त्याने स्पष्ट केले की, "लागू नियमांनुसार वैमानिकांची उड्डाण-उत्तर चाचणी करण्यात आली होती. मात्र, याचे निकाल आमच्याशी सामायिक केलेले नसल्याने आम्ही यावर सध्यातरी भाष्य करू शकत नाही." डीजीसीएच्या नियमांनुसार, डोप चाचणीत पहिल्यांदा दोषी आढळल्यास वैमानिकाला व्यसनमुक्ती केंद्रात पाठवले जाते. दुसऱ्यांदा दोषी आढळल्यास परवाना ३ वर्षांसाठी निलंबित होतो, तर तिसऱ्यांदा दोषी आढळल्यास परवाना कायमचा रद्द करण्याची कठोर तरतूद आहे. (Air India)