मुंबई : आरोग्य चांगले ठेवण्यासाठी अनेक जण चिया सीड्स, क्विनोआ, अवोकाडो, ब्लूबेरी यांसारख्या महागड्या विदेशी 'सुपरफूड्स'कडे वळतात. मात्र, आपल्या पारंपरिक भारतीय आहारातील अनेक देशी पदार्थ पोषणमूल्यांच्या बाबतीत कोणत्याही विदेशी पदार्थांपेक्षा कमी नाहीत. उलट हे पदार्थ सहज उपलब्ध, किफायतशीर आणि शरीरासाठी अधिक उपयुक्त ठरू शकतात.
हे देशी पदार्थ आहेत पोषणाचा खजिना :
नाचणी (रागी) : कॅल्शियम, लोह आणि फायबरने समृद्ध असलेली नाचणी हाडे मजबूत ठेवण्यास मदत करते. लहान मुलांपासून ते ज्येष्ठ नागरिकांपर्यंत सर्वांसाठी हा उत्तम आहार आहे.
तीळ : तीळामध्ये कॅल्शियम, मॅग्नेशियम आणि आरोग्यदायी फॅट्स मुबलक प्रमाणात असतात. हाडांचे आरोग्य आणि हृदयासाठी ते लाभदायक आहेत.
मुंबई : वाढते वय थांबवता येत नसले, तरी योग्य जीवनशैली आणि त्वचेची नियमित काळजी घेतल्यास दीर्घकाळ चिरतरुण आणि तजेलदार दिसणे शक्य आहे. महागड्या ब्युटी ...
शेंगदाणे : महागड्या ड्रायफ्रूट्सना पर्याय ठरणारे शेंगदाणे प्रथिने, चांगले फॅट्स आणि व्हिटॅमिन ईचे उत्तम स्रोत आहेत.
आवळा : व्हिटॅमिन 'सी'चा उत्कृष्ट स्रोत असलेला आवळा रोगप्रतिकारक शक्ती वाढवण्यास आणि त्वचेच्या आरोग्यासाठी उपयुक्त आहे.
पाण्यात कोणता पदार्थ मिसळावा आणि हे पाणी प्यायल्याने काय फायदा होईल जाणून घ्या. तुम्हीसुद्धा चेहऱ्यावरचे पिंपल्स आणि पोटाच्या समस्यांनी त्रस्त ...
महाग म्हणजेच अधिक पौष्टिक असे नाही :
आरोग्यासाठी महागडे विदेशी पदार्थ खाणे आवश्यक नाही. संतुलित आहार, हंगामी फळे-भाज्या, भरड धान्ये, कडधान्ये आणि पारंपरिक भारतीय पदार्थ यांचा समावेश असलेला आहार शरीराला आवश्यक पोषक तत्त्वे पुरवू शकतो.
आरोग्यदायी जीवनशैलीच महत्त्वाची :
केवळ एखाद्या एका पदार्थामुळे शरीराला जास्त ताकद मिळत नाही. नियमित व्यायाम, पुरेशी झोप, संतुलित आहार आणि तणावमुक्त जीवनशैली यांचा एकत्रित परिणाम आरोग्यावर होतो. त्यामुळे सोशल मीडियावरील अतिशयोक्त दाव्यांवर विश्वास ठेवण्याऐवजी तज्ज्ञांच्या सल्ल्यानुसार आहार निवडणे अधिक योग्य ठरेल.
