नवी दिल्ली: भारतीय कुस्ती महासंघाचे (WFI) माजी अध्यक्ष आणि माजी खासदार बृजभूषण शरण सिंह यांना महिला कुस्तीपटूंच्या कथित लैंगिक छळ प्रकरणात मोठा दिलासा मिळाला आहे. दिल्लीतील राऊस अव्हेन्यू न्यायालयाने पुरेसे पुरावे उपलब्ध नसल्याचे नमूद करत त्यांची आणि सहआरोपी विनोद तोमर यांची निर्दोष मुक्तता केली. न्यायालयाचा निकाल जाहीर होताच त्यांच्या समर्थकांनी आनंद व्यक्त करत जल्लोष केला.
निर्णयानंतर माध्यमांशी बोलताना बृजभूषण शरण सिंह (Brij Bhushan Sharan Singh) यांनी सांगितले की, आरोप झाल्याच्या पहिल्या दिवसापासून आपण निर्दोष असल्याचे सांगत होतो. "जर माझ्यावरील एकही आरोप सिद्ध झाला असता, तर मी स्वतःला फाशी दिली असती. आज न्यायालयाने मला सन्मानाने निर्दोष मुक्त केले आहे. हा दिवस माझ्यासाठी आणि माझ्या समर्थकांसाठी आनंदाचा आहे," असे त्यांनी म्हटले.
FDA takes action in Jalgaon : जळगाव जिल्ह्यात नागरिकांच्या आरोग्याशी खेळ करणाऱ्यांविरोधात अन्न व औषध प्रशासन (Food and Drug Administration) अर्थात एफडीएने मोठी मोहीम हाती घेतली आहे. ...
या प्रकरणात 2016 ते 2019 या कालावधीत भारतीय कुस्ती महासंघाचे कार्यालय, अधिकृत निवासस्थान आणि परदेश दौऱ्यांदरम्यान काही महिला कुस्तीपटूंचा लैंगिक छळ केल्याचे आरोप करण्यात आले होते. 2023 मध्ये विनेश फोगट, साक्षी मलिक आणि बजरंग पुनिया यांच्यासह अनेक आघाडीच्या कुस्तीपटूंनी दिल्लीतील जंतर-मंतर येथे आंदोलन केले होते. त्यानंतर दिल्ली पोलिसांनी गुन्हा दाखल करून आरोपपत्र न्यायालयात सादर केले होते.
दिल्ली पोलिसांनी 15 जून 2023 रोजी बृजभूषण शरण सिंह यांच्याविरोधात भारतीय दंड संहितेतील विविध कलमांखाली गुन्हा नोंदवला होता. या प्रकरणात WFI चे तत्कालीन निलंबित सहाय्यक सचिव विनोद तोमर यांनाही आरोपी करण्यात आले होते. मात्र, सुनावणीनंतर न्यायालयाने दोघांनाही पुराव्याअभावी दोषमुक्त केले. (Sexual Harrasment Case)
नवी दिल्ली : पत्नी व्यभिचारात राहत असल्याचे पतीकडून स्पष्टपणे सिद्ध झाल्यास, फौजदारी प्रक्रिया संहिता कलम १२५ अंतर्गत पत्नीला अंतरीम पोटगी नकारली ...
या प्रकरणात एका अल्पवयीन कुस्तीपटूच्या तक्रारीवरून 'पॉक्सो' कायद्यांतर्गतही गुन्हा दाखल करण्यात आला होता. मात्र, संबंधित तक्रार नंतर मागे घेण्यात आल्याने ते प्रकरण बंद करण्यात आले. उर्वरित प्रकरणात पोलिसांनी IPC कलम 354, 354A आणि 354D अंतर्गत आरोप ठेवले होते. (Vinod Tomar)
दरम्यान, या आरोपांमुळे बृजभूषण शरण सिंह यांना 2024 च्या लोकसभा निवडणुकीत उमेदवारी मिळाली नव्हती. त्यांच्या जागी भाजपने त्यांचे पुत्र करण भूषण सिंह यांना उमेदवारी दिली होती आणि ते निवडून आले. आता न्यायालयाच्या निर्णयानंतर बृजभूषण शरण सिंह पुन्हा सक्रिय राजकारणात किंवा निवडणुकीच्या मैदानात उतरणार का, याकडे राजकीय वर्तुळाचे लक्ष लागले आहे. (Delhi Court)