भारताची ऐतिहासिक झेप ; हवाई सुरक्षा यंत्रणा होणार अधिक मजबूत
नवी दिल्ली : भारत आपली हवाई सुरक्षा यंत्रणा आणखी मजबूत करण्याच्या दिशेने अत्यंत महत्त्वाची पावले उचलत असून, संरक्षण क्षेत्रात एक ऐतिहासिक टप्पा गाठला आहे. संरक्षण संशोधन आणि विकास संस्थेने ‘प्रोजेक्ट कुशा’ अंतर्गत देशाच्या अत्यंत महत्त्वाच्या आणि लांब पल्ल्याच्या ‘कुशा’ जमिनीवरून हवेत मारा करणाऱ्या क्षेपणास्त्राची पहिली यशस्वी चाचणी यशस्वीरीत्या पार पाडली आहे.
शिमला : हिमाचल प्रदेशमधील लाहौल स्पीती परिसरातील पांगी-उदयपूर मार्गावर दुपारी एक दुर्दैवी घटना घडली आहे. घाटातून जाणाऱ्या एका टाटा सुमो कारवर दरड ...
डीआरडीओने ओडिशाच्या किनारपट्टीवर १२० किमी पल्ला असलेल्या ‘कुशा एम -१’ इंटरसेप्टर क्षेपणास्त्राची पहिली यशस्वी चाचणी गुरुवारी (२३ जुलै) पूर्ण केली. ‘प्रोजेक्ट कुशा’ या महत्त्वाकांक्षी मोहिमेला २०२२ मध्ये मंत्रिमंडळ समितीने मंजुरी दिली होती. मात्र, ‘ऑपरेशन सिंदूर’नंतर या प्रकल्पाला अधिक वेग देण्यात आला. ऑपरेशन सिंदूरदरम्यान पाकिस्तानने भारतावर अनेक क्षेपणास्त्रे आणि ड्रोन डागले होते, मात्र भारताच्या प्रगत हवाई सुरक्षा प्रणालीने ती सर्व हवेतच नष्ट केली होती. याच पार्श्वभूमीवर अशा स्वदेशी प्रणाली विकसित करण्यावर अधिक भर दिला जात आहे.
मुंबई : केंद्रीय अन्वेषण विभाग, सीबीआयने एका लाचखोरी प्रकरणात आयआरसीटीसी मुंबईच्या पश्चिम विभागीय कार्यालयातील वरिष्ठ कार्यकारी अधिकारी आणि ...
भारताच्या हवाई सुरक्षेचा कणा
ही तिन्ही ‘सरफेस-टू-एअर’ इंटरसेप्टर क्षेपणास्त्रे भारताच्या दिशेने येणाऱ्या कोणत्याही हवाई धोक्याचा प्रभावीपणे नायनाट करण्यासाठी महत्त्वाची भूमिका बजावणार आहेत. ही प्रणाली भारताच्या ८० किमी पल्ल्याच्या मध्यम पल्ल्याच्या क्षेपणास्त्र प्रणाली आणि रशियन ‘एस-४००’ हवाई सुरक्षा प्रणाली यांच्यातील अंतर यशस्वीरीत्या भरून काढेल.यामुळे भविष्यात भारताचे परदेशी संरक्षण प्रणालींवरील अवलंबित्व मोठ्या प्रमाणावर कमी होईल आणि देशांतर्गत संरक्षण उत्पादन वाढवण्यास मोठी मदत होईल. भारताच्या अँटी-बॅलिस्टिक क्षेपणास्त्र प्रणालीचा हा अत्यंत महत्त्वाचा कणा ठरणार असल्याचा विश्वास व्यक्त केला जात आहे.