ठाणे : डोंबिवलीतील डॉक्टर मारहाण प्रकरणाच्या निषेधार्थ इंडियन मेडिकल असोसिएशन (IMA) ने पुकारलेला राज्यव्यापी संप अखेर मागे घेण्यात आला आहे. मुंबई उच्च न्यायालयाने या प्रकरणातील मुख्य आरोपीचा जामीन रद्द केल्यानंतर IMA ने हा निर्णय घेतला. त्यामुळे राज्यभरातील रुग्ण, त्यांच्या नातेवाईकांसह आरोग्य व्यवस्थेला मोठा दिलासा मिळाला आहे. (Doctors Strike)
संप मागे घेतल्यामुळे आता ओपीडी सेवा, नियमित तपासण्या आणि इतर वैद्यकीय सेवा पूर्ववत सुरू होणार आहेत. मात्र, डॉक्टरांच्या सुरक्षेसह इतर प्रलंबित मागण्यांवर IMA अद्याप ठाम असून, त्या मान्य न झाल्यास ९ ऑगस्टपासून मुंबईतील आझाद मैदानावर राज्यव्यापी उपोषण आणि आंदोलन छेडण्याचा इशारा देण्यात आला आहे. (Doctors Strike)
सोलापूर : आगामी आषाढी एकादशीच्या पार्श्वभूमीवर राज्याचे उपमुख्यमंत्री एकनाथ शिंदे आज भरपावसात पंढरपूर येथे दाखल झाले. वारीसाठी करण्यात आलेल्या ...
मुख्य आरोपीचा जामीन रद्द; IMAचा महत्त्वाचा निर्णय
डोंबिवलीतील डॉक्टरांवरील मारहाणीच्या घटनेनंतर राज्यभरातील डॉक्टरांमध्ये संतापाची लाट उसळली होती. या घटनेच्या निषेधार्थ IMA ने राज्यव्यापी संपाची घोषणा केली होती. दरम्यान, या प्रकरणातील मुख्य आरोपी रमेश म्हात्रे यांचा जामीन मुंबई उच्च न्यायालयाने रद्द केला. न्यायालयाच्या या निर्णयानंतर IMA च्या पदाधिकाऱ्यांची तातडीची बैठक झाली. आरोपीविरोधात कायदेशीर कारवाई योग्य दिशेने सुरू असल्याचे लक्षात घेऊन डॉक्टरांनी सध्यासाठी संप मागे घेण्याचा निर्णय घेतला. (Doctors Strike)
रुग्णांना दिलासा, सेवा पूर्ववत :
डॉक्टरांच्या संपामुळे राज्यभरातील ओपीडी सेवा, नियमित तपासण्या आणि नियोजित उपचारांवर परिणाम होण्याची शक्यता होती. मात्र, संप मागे घेतल्याने आता सरकारी आणि खासगी रुग्णालयांमधील वैद्यकीय सेवा सुरळीत सुरू राहणार असून, हजारो रुग्णांना मोठा दिलासा मिळाला आहे. (Doctors Strike)
पुणे : कृत्रिम बुद्धीमत्ता, डेटा सायन्स, रोबोटिक्स, क्वांटम तंत्रज्ञान, जैव तंत्रज्ञान, सायबर सुरक्षा आणि स्वच्छ ऊर्जेमुळे जागतिक अर्थव्यवस्थेत बदल ...
आंदोलन मात्र कायम; ९ ऑगस्टपासून आझाद मैदानात उपोषण :
संप मागे घेतला असला तरी डॉक्टरांचा लढा संपलेला नसल्याचे IMA ने स्पष्ट केले आहे. डॉक्टरांच्या सुरक्षेसाठी कडक कायद्याची अंमलबजावणी, रुग्णालयांतील सुरक्षा व्यवस्था मजबूत करणे आणि इतर प्रलंबित मागण्या तातडीने पूर्ण करण्याची मागणी संघटनेने पुन्हा केली आहे. (Doctors Strike)
या मागण्या सरकारने मान्य केल्या नाहीत, तर ९ ऑगस्ट २०२६ पासून मुंबईतील आझाद मैदानावर राज्यव्यापी उपोषण आणि तीव्र आंदोलन करण्यात येईल, असा इशारा IMA ने दिला आहे. डॉक्टरांचा संप मागे घेतल्याने सध्या रुग्णांना मोठा दिलासा मिळाला असला, तरी डॉक्टरांच्या सुरक्षेच्या मुद्द्यावर सरकार आणि IMA यांच्यातील संघर्ष अद्याप संपलेला नसल्याचे स्पष्ट झाले आहे. (Doctors Strike)
