Dhule Crime News : धुळे जिल्ह्यातील शिरपूर जवळील गिधाडे तापी नदीच्या पुलावरून उडी घेतलेल्या तरुणाचा मृतदेह अखेर सापडला आहे. तरुणाने नदीत उडी घेण्यापूर्वी एक व्हिडिओ सोशल मीडियावर प्रसारित केला होता. कंपनीत होणाऱ्या छळाला कंटाळून आपण हे पाऊल उचलत असल्याचे त्याने या व्हिडिओत म्हटले आहे. या घटनेमुळे संतप्त झालेल्या मृत तरुणाच्या नातेवाईकांनी शिरपूर शहर पोलीस ठाण्यात संबंधितांविरुद्ध गुन्हा दाखल करण्यासाठी ठिय्या आंदोलन केले. संदीप उदेसिंग गिरासे (28), रा. अहिल्यापूर, शिरपूर असे मृत तरुणाचे नाव आहे.
Nashik : मोबाईल सीडीआर नाही, सीसीटीव्ही फुटेज नाही आणि प्रत्यक्ष साक्षीदारही नाही तरीही अवघ्या एका रेल्वे तिकिटाच्या (Railway Ticket) तुकड्यावरून नाशिक पोलिसांनी ...
आत्महत्या करण्यापूर्वी व्हिडीओ बनवत म्हणाला...
व्हायरल झालेल्या व्हिडिओमध्ये मृत संदीपने काम करत असलेल्या टेक्सटाईल पार्क कंपनी मोठा आरोप करत आपल्यावर मोठा अन्याय झाल्याचे म्हटले आहे. कंपनीमधील त्याच्यासोबत काम करणाऱ्या दोन मुलींनी आपल्यावर खोटा गुन्हा दाखल केल्याचा आरोप त्याने केला. या प्रकरणानंतर कंपनीच्या मालकांनी आणि प्रशासनाने त्याला कामावरून काढून टाकले होते. तसेच औद्योगिक क्षेत्रात स्थानिक तरुणांना नाहक त्रास दिला जात असल्याचेही त्याने नमूद केले होते. कंपनीत परप्रांतीय लोकांना वाचवले जाऊ शकते, मात्र महाराष्ट्राच्या स्थानिक तरुणाला न्याय दिला जात नाही, अशी उद्विग्न भावनाही संदीपने व्हिडिओत मांडली होती. ( Dhule Crime News )
- राज्य सरकार ऍक्शन मोडवर; सर्वसमावेशक धोरणासाठी २७ जणांची समिती मुंबई : धर्मांतरानंतरही अनुसूचित जमातीचे (आदिवासी) सर्व लाभ मिळवणाऱ्या व्यक्तींच्या ...
शिरपूर शहर पोलीस ठाण्यात आंदोलन
बेपत्ता संदीपचा तापी पुलावर मोबाईल, मोटरसायकल आणि चप्पल पोलिसांना आढळून आली होती. दोन दिवस स्थानिक प्रशासन आणि पट्टीचे पोहणारे नदीपात्रात त्याचा शोध घेत होते अखेर त्याचा मृतदेह बाहेर काढण्यात आला. संदीपच्या मृत्यूची बातमी समजताच अहिल्यापूर आणि परिसरातील नागरिक मोठ्या संख्येने शिरपूर पोलीस ठाण्याबाहेर जमा झाले. संतप्त नातेवाईकांनी थेट शिरपूर शहर पोलीस ठाणे (Shirpur City Police Station) गाठून आवारात आंदोलन सुरू केले. ( Dhule Crime News )
मृत संदीपने आत्महत्या करण्यापूर्वी तयार केलेल्या व्हिडिओमध्ये ज्यांची नावे घेतली आहेत, त्यांच्याविरुद्ध तातडीने गुन्हे दाखल करण्यात यावेत, अशी मागणी आंदोलकांनी केली. यामुळे पोलीस ठाण्याच्या परिसरात काही काळ तणाव निर्माण झाला होता. अखेर पोलीस प्रशासनाने संबंधितांवर गुन्हा दाखल करण्याचे आश्वासन दिल्यानंतर वातावरण निवळले. या संदर्भात शिरपूर शहर पोलीस ठाण्यात उशिरापर्यंत गुन्हा दाखल करण्याची कारवाई सुरू होती.