मीरा रोड : मीरा रोड येथील हरे कृष्ण मंदिराजवळ असलेल्या एन.एल. डालमिया शाळेच्या (N.L. Dalmia School Fire) इमारतीच्या वरच्या मजल्यावर बुधवारी सकाळी अचानक आग लागल्याने परिसरात एकच खळबळ उडाली. सुदैवाने ही घटना शाळा सुरू होण्यापूर्वी घडल्याने मोठी जीवितहानी टळली. घटनेत कोणतीही जीवितहानी किंवा दुखापत झाल्याचे वृत्त नाही.
आगीची माहिती मिळताच मीरा-भाईंदर महानगरपालिका अग्निशमन दलाच्या अनेक गाड्या तातडीने घटनास्थळी दाखल झाल्या. अग्निशमन जवानांनी वेगाने कारवाई करत काही वेळातच आगीवर नियंत्रण मिळवले. आग पुन्हा भडकू नये म्हणून सध्या कूलिंग ऑपरेशन सुरू असून संपूर्ण इमारतीची तपासणी केली जात आहे. (N.L. Dalmia School Fire)
Nashik Crime News : इगतपुरीत पर्यटकांच्या गाडीचा पाठलाग करून तसेच कुटुंबाला मारहाण करणाऱ्या गुंडाच्या हैदोसाचा आणखी एक भयानक व्हिडीओ समोर आला आहे. भावली धरण ...
शॉर्टसर्किटचा प्राथमिक अंदाज :
प्राथमिक माहितीनुसार, इमारतीच्या वरच्या मजल्यावर शॉर्टसर्किटमुळे आग लागल्याचा संशय व्यक्त करण्यात येत आहे. मात्र, आग लागण्याचे नेमके कारण अद्याप स्पष्ट झालेले नसून संबंधित यंत्रणांकडून तपास सुरू आहे. तांत्रिक पथक घटनास्थळी पाहणी करून विद्युत यंत्रणा आणि इमारतीची सुरक्षितता तपासत आहे. (N.L. Dalmia School Fire)
शाळा सुरू होण्यापूर्वीच घटना :
ही घटना सकाळी शाळा सुरू होण्यापूर्वी घडल्याने विद्यार्थी, शिक्षक आणि कर्मचाऱ्यांची उपस्थिती नव्हती. त्यामुळे संभाव्य मोठी दुर्घटना टळली. काही मिनिटे उशीर झाला असता तर शेकडो विद्यार्थ्यांच्या जीवाला धोका निर्माण होऊ शकला असता. (N.L. Dalmia School Fire)
Iran-Us War : होर्मुझ सामुद्रधुनी (Strait of Hormuz) येथे मालवाहू जहाजावर (Container Vessel) झालेल्या हल्ल्यात भारतीय खलाशी हेरंब करमरकर यांचा मृत्यू झाल्याची अधिकृत पुष्टी झाली ...
प्रशासनाकडून तपास सुरू :
घटनेनंतर परिसरात नागरिकांची मोठी गर्दी झाली होती. पोलिसांनी आणि अग्निशमन दलाने परिसर सुरक्षित करत परिस्थिती नियंत्रणात आणली. शाळेच्या इमारतीचे नुकसान किती झाले, याचा पंचनामा करण्यात येत असून आग लागण्याचे नेमके कारण शोधण्यासाठी सखोल चौकशी सुरू करण्यात आली आहे. या घटनेमुळे शाळांमधील अग्निसुरक्षा उपाययोजना आणि विद्युत यंत्रणांच्या नियमित तपासणीचा मुद्दा पुन्हा ऐरणीवर आला आहे. स्थानिक प्रशासनाने सर्व शैक्षणिक संस्थांना अग्निसुरक्षा नियमांचे काटेकोर पालन करण्याचे आवाहन केले आहे. (N.L. Dalmia School Fire)
View this post on Instagram
