Moshi Building Collapse : ४० तास उलटले... तरी मोशी दुर्घटनेतील ८ कामगारांचा अद्यापही सापडले नाही; रेस्क्यू ऑपरेशन युद्धपातळीवर

मोशी (पिंपरी-चिंचवड) : पिंपरी-चिंचवडमधील मोशी कचरा डेपो (Moshi Garbage Depot) येथे बुधवारी दुपारी झालेल्या भीषण दुर्घटनेनंतर (Accident) तब्बल ४० तास उलटूनही आठ कामगार (Workers) अद्याप ढिगाऱ्याखाली अडकलेले आहेत. बचाव पथकांकडून (Rescue Teams) दिवसरात्र रेस्क्यू ऑपरेशन (Rescue Operation) सुरू असले तरी अडकलेल्या कामगारांकडून कोणताही प्रतिसाद (Response) मिळत नसल्याने त्यांच्या जीविताबाबत चिंता वाढली आहे.

कशी घडली दुर्घटना?

मोशी येथील 'वेस्ट टू एनर्जी' (Waste-to-Energy) प्रकल्पाच्या (Project) तीन मजली प्रशासकीय इमारतीवर (Administrative Building) बुधवारी दुपारी सुमारे दीड वाजण्याच्या सुमारास हजारो टन कचऱ्याचा डोंगर अचानक कोसळला. कचऱ्याचा प्रचंड भार सहन न झाल्याने तीन मजली इमारत क्षणार्धात जमीनदोस्त झाली. दुर्घटनेच्या वेळी इमारतीत अनेक कामगार उपस्थित होते. त्यापैकी पाच जणांनी प्रसंगावधान राखत उड्या मारून स्वतःचा जीव वाचवला.

एकाचा मृत्यू, आठ जण अद्याप बेपत्ता

दुर्घटनेनंतर सुरू असलेल्या बचावकार्यात (Rescue Operation) २४ तासांनंतर कचऱ्याच्या ढिगाऱ्याखालून एका कामगाराचा मृतदेह बाहेर काढण्यात आला. भावेष वाणी (Bhavesh Wani) असे मृत कामगाराचे नाव असून, या दुर्घटनेत आतापर्यंत एकाचा मृत्यू झाला आहे. मात्र, अद्याप आठ कामगार ढिगाऱ्याखाली अडकल्याची माहिती प्रशासनाने दिली आहे.

युद्धपातळीवर बचावकार्य सुरू

घटनेनंतर पिंपरी-चिंचवड महापालिकेचे अग्निशमन दल (Fire Brigade), राष्ट्रीय आपत्ती प्रतिसाद दल (National Disaster Response Force - NDRF) आणि भारतीय सैन्य (Indian Army) यांच्या संयुक्त पथकांकडून युद्धपातळीवर बचावकार्य सुरू आहे.

बुधवारी रात्री उशिरापर्यंत एक महिला आणि सहा पुरुष अशा सात कामगारांची सुखरूप सुटका करण्यात आली. त्यानंतर गुरुवारी सकाळी कचऱ्याचे ढिगारे हटवून आणखी दोन जखमी कामगारांना बाहेर काढण्यात आले. त्यांना तातडीने वायसीएम रुग्णालयात (YCM Hospital) उपचारासाठी दाखल करण्यात आले.

सध्या घटनास्थळी जड यंत्रसामग्रीच्या (Heavy Machinery) सहाय्याने ढिगारा हटवण्याचे काम सुरू असून, अडकलेल्या आठ कामगारांचा शोध घेण्यासाठी बचाव पथके शर्थीचे प्रयत्न करत आहेत. मात्र, ४० तास उलटल्यानंतरही कोणताही प्रतिसाद मिळत नसल्याने त्यांच्या सुरक्षिततेबाबतची चिंता अधिकच वाढत आहे.