Dhule : धुळे जिल्ह्यात एलपीजी गॅसच्या (LPG gas) काळाबाजाराचा मोठा पर्दाफाश झाला आहे. साक्री तालुक्यातील मैंदाणे येथे महसूल आणि पुरवठा विभागाने (Revenue and Supply Department) मध्यरात्री धाड टाकत एलपीजी टँकरमधून थेट व्यावसायिक गॅस सिलेंडरमध्ये गॅस भरून विक्री करणाऱ्या अवैध रॅकेटचा भांडाफोड केला. या कारवाईत तब्बल ८३ लाख ३५ हजार रुपयांचा मुद्देमाल जप्त करण्यात आला असून एका संशयिताला ताब्यात घेण्यात आले आहे. तर इतर आरोपी अंधार आणि मुसळधार पावसाचा फायदा घेत घटनास्थळावरून पसार झाले.
Nashik : प्रसिद्ध चित्रपट अभिनेत्री मौशमी चॅटर्जी (Moushumi Chatterjee) यांना नाशिक जिल्हा ग्राहक तक्रार निवारण आयोगाने मोठा दणका दिला आहे. संपूर्ण मानधन, विमान प्रवास ...
नेमकी घटना घडली कुठे ?
साक्री तालुक्यातील मैंदाणे गावाजवळ असलेल्या श्री बालाजी हॉटेल राजस्थानी दालबाटी ढाबा परिसरात हा संपूर्ण प्रकार सुरू असल्याची गोपनीय माहिती महसूल आणि पुरवठा विभागाला मिळाली होती. त्यानुसार अपर तहसीलदार अधिकार पेंढारकर (Adhikar Pendharkar) यांच्या नेतृत्वाखाली पुरवठा निरीक्षक आणि महसूल विभागाच्या पथकाने सात जुलैच्या रात्री सुमारे अकरा वाजता अचानक छापा टाकला.
कारवाईदरम्यान घटनास्थळी भारत पेट्रोलियमचा अशोक लेलंड कंपनीचा एलपीजी टँकर उभा असल्याचे आढळून आले. या टँकरच्या व्हॉल्व्हला रबरी पाईप आणि सहा तोंडी विशेष नोझल जोडण्यात आले होते. त्याद्वारे थेट १९ किलो क्षमतेच्या व्यावसायिक गॅस सिलेंडरमध्ये एलपीजी भरला जात असल्याचे अधिकाऱ्यांच्या निदर्शनास आले.
मुख्यमंत्री देवेंद्र फडणवीस; कायद्याचा मसुदा तयार करण्यासाठी ७ जणांची समिती मुंबई : भारताच्या संविधानातील मार्गदर्शक तत्त्वांना अनुसरून राज्यात ...
संशयित घटनास्थळावरून ताब्यात
अधिकाऱ्यांचे पथक पाहताच घटनास्थळी उपस्थित असलेले बहुतांश संशयित अंधाराचा आणि मुसळधार पावसाचा फायदा घेत पळून गेले. मात्र भरत चौधरी या संशयिताला घटनास्थळावरून ताब्यात घेण्यात आले. प्राथमिक चौकशीत त्याने पारस जैन, महारू चंदू ठाकरे उर्फ गोपी, मनिषभाई आणि विक्की बारडोली यांच्या साथीने हा अवैध व्यवसाय सुरू असल्याची माहिती दिल्याचे अधिकृत तक्रारीत नमूद करण्यात आले आहे.
तपासात आणखी एक धक्कादायक बाब समोर आली असून, टँकरमधून भरलेला हा गॅस महाराष्ट्रासह गुजरातमध्ये विक्रीसाठी पाठवला जात असल्याची माहिती अधिकाऱ्यांना मिळाली आहे. त्यामुळे या अवैध रॅकेटचे जाळे राज्याबाहेरही पसरले असल्याचा संशय व्यक्त केला जात आहे.
Nashik : नाशिकमध्ये गेल्या दोन दिवसांच्या कधी संततधार तर कधी मुसळधार पावसामुळे नाशिक शहरासह संपूर्ण जिल्ह्याची बुधवारी चांगलीच तारांबळ उडाली. नसिक ...
८३ लाखांचा मुद्देमाल जप्त
छाप्यामध्ये सहा भरलेले आणि अकरा रिकामे असे एकूण १७ व्यावसायिक गॅस सिलेंडर जप्त करण्यात आले. याशिवाय एलपीजीने भरलेला टँकर, सुपर कॅरी वाहन, दोन बोलेरो पिकअप, सहा तोंडी नोझल, प्लास्टिकचे पाईप, गॅस फिटिंगची साधने आणि मोबाईल असा एकूण ८३ लाख ३५ हजार ७४४ रुपयांचा मुद्देमाल जप्त करण्यात आला. टँकरमध्ये तब्बल १७.४० मेट्रिक टन एलपीजी गॅस असल्याची नोंद करण्यात आली आहे.
प्रशासनाच्या मते, एलपीजी टँकरमधून थेट व्यावसायिक सिलेंडरमध्ये गॅस भरणे हा अत्यंत धोकादायक प्रकार आहे. अशा प्रकारामुळे कोणत्याही क्षणी भीषण स्फोट किंवा आग लागू शकते. त्यामुळे परिसरातील नागरिकांच्या जीवितासह मालमत्तेलाही मोठा धोका निर्माण झाला होता. या प्रकरणी टँकरचे मालक पी. नटराजन पलानीसामी, संबंधित वाहनांचे मालक आणि चालक, भरत चौधरी, पारस जैन, महारू चंदू ठाकरे उर्फ गोपी, मनिषभाई बारडोली तसेच इतर संबंधितांविरोधात पिंपळनेर पोलीस ठाण्यात जीवनावश्यक वस्तू कायद्याअंतर्गत गुन्हा दाखल करण्यात आला आहे.
दरम्यान, फरार आरोपींचा शोध घेण्यासाठी विशेष पथके रवाना करण्यात आली असून या गॅस काळाबाजारामागे आणखी कोणाचा सहभाग आहे का, याचा सखोल तपास पोलीस आणि पुरवठा विभागाकडून सुरू आहे.