मुंबई : इराण-अमेरिका तणाव, जागतिक आर्थिक अनिश्चितता आणि आंतरराष्ट्रीय बाजारातील बदलांचा परिणाम भारतीय सराफा बाजारावर स्पष्टपणे दिसून आला आहे. गुरुवारी देशभरात सोन्या-चांदीच्या दरात मोठी घसरण नोंदविण्यात आली. २४ कॅरेट सोन्याचा भाव प्रति १० ग्रॅम १ लाख ४३ हजार ८९० रुपये, तर चांदीचा दर प्रति किलो २ लाख २३ हजार रुपये इतका खाली आला आहे. (Gold Silver Rate)
अमेरिकेचे राष्ट्राध्यक्ष डोनाल्ड ट्रम्प यांनी इराण-अमेरिका शांतता करार पूर्णपणे संपुष्टात आल्याचे वक्तव्य केल्यानंतर मध्यपूर्वेतील भू-राजकीय तणाव पुन्हा वाढला आहे. या घडामोडींमुळे जागतिक कमोडिटी बाजारात अस्थिरता निर्माण झाली असून त्याचा थेट परिणाम भारतीय सराफा बाजारावर झाला आहे. सुरक्षित गुंतवणुकीचा पर्याय मानल्या जाणाऱ्या सोन्या-चांदीच्या किमतींमध्ये झालेल्या या घसरणीमुळे गुंतवणूकदारांचे लक्ष पुन्हा बाजाराकडे वेधले गेले आहे. आंतरराष्ट्रीय कॉमेक्स बाजारात सोन्याच्या दरात सुमारे ०.३७ टक्क्यांची घसरण झाली असून भाव ४,०६७ डॉलर प्रति औंस इतका राहिला आहे. तर चांदीच्या किमतीत ०.८५ टक्क्यांची घसरण होऊन ती ५८.०४५ डॉलर प्रति औंस दराने व्यवहार करत आहे. (Gold Silver Rate)
मुंबई : नागरिक-केंद्रित सेवा वितरण अधिक सक्षम करण्याच्या दिशेने एक महत्त्वपूर्ण पाऊल म्हणून भारतीय टपाल विभाग महाराष्ट्र परिमंडळ आणि महानगर गॅस ...
देशांतर्गत एमसीएक्स बाजारातही सोन्याचा भाव प्रति १० ग्रॅम १.४३ ते १.४४ लाख रुपये या पातळीवर व्यवहार करताना दिसला. चांदीचा दर प्रति किलो २.२३ ते २.२५ लाख रुपये दरम्यान राहिला असून, गेल्या काही दिवसांच्या तुलनेत त्यात लक्षणीय घसरण झाली आहे. (Gold Silver Rate)
दरम्यान, अमेरिकेच्या फेडरल रिझर्व्हच्या ताज्या एफओएमसी बैठकीच्या नोंदीनुसार महागाई अद्याप दोन टक्क्यांच्या उद्दिष्टापेक्षा जास्त असल्याने व्याजदर कपातीची घाई केली जाणार नसल्याचे संकेत देण्यात आले आहेत. आवश्यक असल्यास व्याजदर दीर्घकाळ उच्च पातळीवर ठेवण्याची भूमिका फेडने स्पष्ट केली आहे. मात्र, महागाईत सातत्याने घट होत अर्थव्यवस्थेचा वेग मंदावल्यास भविष्यात व्याजदर कपातीचा विचार केला जाऊ शकतो, असेही बैठकीत नमूद करण्यात आले आहे. (Gold Silver Rate)
भारत-फ्रान्सची सामरिक भागीदारी सातत्याने अधिक मजबूत होत आहे - सीतारामन नवी दिल्ली : केंद्रीय अर्थमंत्री निर्मला सीतारामन यांनी फ्रान्समधील ...
व्याजदर उच्च राहण्याची शक्यता लक्षात घेऊन अनेक गुंतवणूकदारांनी सोन्या-चांदीतील गुंतवणूक कमी करून सरकारी रोख्यांकडे (बाँड्स) मोर्चा वळविला आहे. परिणामी मौल्यवान धातूंची मागणी कमी झाली असून त्यांच्या किमतींवर दबाव निर्माण झाला आहे. बाजार तज्ज्ञांच्या मते, इराण-अमेरिका तणाव, कच्च्या तेलाच्या किमतीतील चढ-उतार आणि अमेरिकन फेडच्या व्याजदर धोरणामुळे भारतीय सराफा बाजारात सोन्या-चांदीच्या दरात ही मोठी घसरण पाहायला मिळाली आहे. आगामी काळात जागतिक घडामोडींनुसार या दरांमध्ये आणखी चढ-उतार होण्याची शक्यता नाकारता येत नाही. (Gold Silver Rate)
