चेन्नई: तामिळनाडूचे मुख्यमंत्री सी. जोसेफ विजय आणि प्रसिद्ध दाक्षिणात्य अभिनेत्री त्रिशा कृष्णन पुन्हा एकदा चर्चेत आले आहेत. १५ ऑगस्ट रोजी चेन्नईच्या फोर्ट सेंट जॉर्ज येथे आयोजित स्वातंत्र्यदिन सोहळ्यातील एक व्हिडिओ सध्या सोशल मीडियावर प्रचंड व्हायरल होत आहे. या सोहळ्यात मुख्यमंत्र्यांच्या पालकांसह त्रिशा कृष्णन आणि तिची आई यांनीही विशेष हजेरी लावली होती. या सोहळ्यात पिवळ्या रंगाची साडी आणि केसात गजरा माळलेल्या त्रिशाच्या दिलखुलास रूपाने सर्वांचे लक्ष वेधले. जेव्हा मुख्यमंत्री विजय राष्ट्रध्वज फडकवण्यासाठी आले, तेव्हा उपस्थित सर्वांनी उभे राहून त्यांचे स्वागत केले. यावेळी विजय समोर येताच त्रिशानी अत्यंत आदराने आणि अभिमानाने त्यांना कडक सॅल्युट केल्याचे व्हिडिओमध्ये पाहायला मिळाले. हा क्षण कॅमेऱ्यात कैद झाल्यानंतर चाहत्यांमध्ये पुन्हा एकदा दोघांच्या कथित जवळीकीची चर्चा रंगली आहे.
नवी दिल्ली : देशाचा ८० वा स्वातंत्र्यदिन सर्वत्र उत्साहात साजरा होत आहे. पण सकाळी काँग्रेस मुख्यालयात एक अनेपेक्षित अशी घटना घडली. राष्ट्रध्वज ...
विशेष म्हणजे, काही दिवसांपूर्वीच अभिनेता-राजकारणी विजय यांच्या पत्नी संगीता यांनी त्यांचा घटस्फोटाचा अर्ज मागे घेतल्याची मोठी बातमी समोर आली होती. ७ ऑगस्ट २०२६ रोजी चेंगलपट्टू कौटुंबिक न्यायालयात झालेल्या सुनावणीनंतर हा कायदेशीर वाद मिटल्याचे जाहीर करण्यात आले. हा सर्व घटनाक्रम घडल्यानंतर मुख्यमंत्री विजय आणि त्रिशा एकत्र दिसण्याची ही पहिलीच वेळ असल्याने, या व्हायरल व्हिडिओने सोशल मीडियावर खळबळ उडवून दिली आहे. चाहत्यांकडून या व्हिडिओवर विविध प्रतिक्रिया दिल्या जात असून, सध्या हा विषय सर्वत्र चर्चेचा विषय ठरत आहे. राजकीय आणि सिनेविश्वात या घडामोडींची जोरदार चर्चा सुरू आहे.
