तब्बल १९० बस चालक महापालिकेत उसनवारी तत्त्वावर देणार सेवा
महापालिका बेस्टला मोजणार ३०.६२ कोटी रुपये
- सचिन धानजी
मुंबई : तोट्यात चालणाऱ्या बेस्टला आता मुंबई महापालिका (BMC) मोठा हातभार लावणार असून काही अंशी बसून असलेल्या बस चालकांचा भार आपल्या खांद्यावर घेतली आहे. बेस्टमधील तब्बल १९० उसनवारी तत्त्वावर घेऊन त्यांचा पगाराचा खर्च महापालिका प्रशासन उपक्रमाला अदा करणार आहे. पुढील एक वर्षांकरिता या बस चालकांची सेवा घेतली जात असून यासाठी अतिकालीन भत्त्यासह मासिक पगार स्वरूपात १ लाख२९ हजार १४८ रुपये मोजणार आहे. यासाठी बेस्ट (BEST) उपक्रमाला ३०.६२ कोटी रुपये या चालक सेवेसाठी अदा केले जाणार आहेत.
सद्यस्थितीत मुंबई महापालिकेच्या उपलब्ध वाहनचालकांची संख्या आवश्यकतेपेक्षा कमी आहेत. त्यामुळे प्रकारच्या वाहनसेवा पुरविताना अनेक अडचणी निर्माण होतात. महापौर, उप महापौर, सभागृह नेता, विरोधी पक्ष नेता, वैधानिक व विशेष समित्यांचे अध्यक्ष तसेच, महानगरपालिका आयुक्त, अतिरिक्त महानगरपालिका आयुक्त, सह आयुक्त/उप आयुक्त, संचालक, अधिष्ठाता, खाते प्रमुख, सहाय्यक आयुक्त इत्यादींना घकव्य परिवहन खात्यामार्फत वाहनसेवा पुरविल्या जातात. पण अशा वाहनसेवा सुरळीत व विनाखंडीत चालू ठेवण्यासाठी, परिवहन विभागातील कार्यरत वाहन चालकांकडून अतिकालीन वेळेत काम करून घेणे अपरिहार्य ठरत आहे. तसेच, वाहनचालकांच्या कमतरतेमुळे वाहनसेवांचा पुरवठा अनियमित होतो.
दिवसभर कोसळधार, मुंबईला लोटले पाण्याखाली मुंबई : मध्यरात्रीपासून मुंबईत (Mumbai) मुसळधार कोसळत पावसाने (Rain) आपली बेबंदशाही गाजवली. दिवसभर कोसळधार सुरूच ...
त्यामुळे त्यामुळे वाहन चालकांची चालकांची अपुरी संख्या आणि परिवहन विभागामार्फत पुरविण्यात येणाऱ्या सेवांची संख्या यातील तफावत दूर करण्यासाठी निव्वळ तात्पुरत्या स्वरूपात प्रथमत: बेस्ट (BEST) उपक्रमांकडून एक वर्षाच्या कालावधी करता व आवश्यकता भासल्यास अधिक एक वर्षाकरिता बेस्ट कडील १९० वाहन चालक उसनवारी तत्त्वावर घेण्याचा निर्णय घेण्यात आला. याबाबत मागील एप्रिल महिन्यात चर्चा आणि पत्रव्यवहार झाल्यानंतर या वाहन चालकांना प्रति माह सरासरी वेतन ८४,०३४ रुपये अधिक अतिकालीन भत्ता वेतनाची प्रतिपूर्ती करण्याबाबत बेस्टने महापालिकेला कळवले आहे. त्यानुसार बेस्टचे १९० बस चालक हे मुंबई महापालिकेत उसनवारी तत्त्वावर घेण्यात येत आहे. त्यामुळे महिन्याला १०० तास असे गृहीत धरून साठी मासिक ४५ हजार रुपये याप्रमाणे १ लाख १९ हजार १४८ रुपये याप्रमाणे १९० चालकांचे ३० कोटी ६२ लाख ३५ हजार ७३८ रुपये एवढी रक्कम अदा करण्यात येत आहे. आयुक्तांनी आपल्या अधिकारात ५० लाख रुपयांचे काम देण्याचा निर्णय घेतल्याने मागील महिन्यांपासून या चालकांची सेवा महापालिकेला मिळत असल्याची माहिती विभागाच्या अधिकाऱ्यांनी स्पष्ट केले आहे. आता त्याला रीतसर मान्यता घेण्यासाठी स्थायी समितीच्या पटलावर हा प्रस्ताव ठेवला आहे, असे त्यांनी स्पष्ट केले.
मुंबई महानगरपालिकेच्या, शहर, पूर्व व पश्चिम उपनगरांतील विभाग कार्यालये, रुग्णालये, उद्याने, परिरक्षण, अतिक्रमण निर्मूलन इत्यादी खात्यांना धकव्य परिवहन खात्यामार्फत विविध प्रकारची वाहनसेवा जसे, कचरा वाहने, मलनिःसारण वाहने, अतिक्रमण निर्मूलन वाहने, ट्रक वाहने, रुग्णवाहिका, शववाहिका, श्वान वाहने इत्यादी वाहनसेवा विनाखंडीत पुरविण्यात येत असतात.