Sakinaka Manhole Accident : मोबाईलवर बोलणं जीवावर बेतलं! साकीनाक्यात उघड्या मॅनहोलमध्ये पडलेल्या व्यक्तीचा मृत्यू

July 2, 2026 03:17 PM

मुंबई : मुंबईतील मुसळधार पावसादरम्यान साकीनाका परिसरात एक धक्कादायक घटना घडली आहे. खैराणी रोडवरील सन्मान हॉटेलजवळ उघड्या मॅनहोलमध्ये पडलेल्या व्यक्तीचा मृतदेह शोधमोहीमेदरम्यान आढळून आला आहे.

दुपारी १२.२६ वाजण्याच्या सुमारास ही घटना घडली. प्राथमिक माहितीनुसार, खासगी कंत्राटदाराचे कर्मचारी मॅनहोलची देखभाल करण्यासाठी झाकण उघडून काम करत होते. त्याचवेळी मोबाईलवर बोलत असलेली एक व्यक्ती उघड्या मॅनहोलचा अंदाज न आल्याने थेट त्यात पडली. (Sakinaka Manhole Accident) या दुर्घटनेत निष्पाप ६० वर्षीय अस्लम शेख यांना आपला जीव गमवावा लागला.

Nitesh Rane : महाराष्ट्रात कायद्याचे राज्य नाही म्हणणाऱ्या विरोधकांना मंत्री नितेश राणे यांनी सुनावले

बिश्नोई गँगवरून सत्ताधारी-विरोधक भिडले; आमदार साजिद पठाण यांना जीवे मारण्याची धमकी मुंबई : "अकोल्याचे काँग्रेस आमदार साजिद पठाण यांना बिश्नोई ...

महानगरपालिका विभागाचे अधिकारी घटनास्थळी दाखल :

घटनेनंतर कंत्राटदाराच्या कर्मचाऱ्यांनी तातडीने मॅनहोलमध्ये शिडी सोडून शोध घेण्याचा प्रयत्न केला. मात्र, त्यांना त्या व्यक्तीची छत्री आणि चप्पल एवढ्याच वस्तू सापडल्या. मुसळधार पावसामुळे नाल्यातील पाण्याचा प्रवाह अत्यंत वेगवान असल्याने संबंधित व्यक्ती वाहून गेल्याची भीती व्यक्त करण्यात आली होती. घटनेची माहिती मिळताच मुंबई अग्निशमन दल (MFB), साकीनाका पोलीस, १०८ रुग्णवाहिका सेवा आणि संबंधित महानगरपालिका विभागाचे अधिकारी घटनास्थळी दाखल झाले. अनेक तासांच्या शोधमोहीमेनंतर संबंधित व्यक्तीचा मृतदेह दिसून आला असून, अग्निशमन दलाकडून तो बाहेर काढण्यात आला. (Sakinaka Manhole Accident)

पोलिसांकडून घटनेचा पुढील तपास सुरू :

या घटनेमुळे मुसळधार पावसात सुरू असलेल्या देखभाल कामांदरम्यान उघडे मॅनहोल सुरक्षितपणे बंदिस्त न ठेवणे किती धोकादायक ठरू शकते, यावर पुन्हा एकदा प्रश्नचिन्ह उपस्थित झाले आहे. पोलिसांकडून घटनेचा पुढील तपास सुरू असून, संबंधित खासगी कंत्राटदाराच्या निष्काळजीपणाचीही चौकशी केली जाणार असल्याची माहिती सूत्रांनी दिली आहे. (Sakinaka Manhole Accident)

Mumbai Rain : मुंबईला मुसळधार पावसाचा तडाखा! २४ तासांत शहरात १७२ मिमी पावसाची नोंद; रात्री अतिमुसळधार पावसाचा इशारा

मुंबई : मुंबई आणि उपनगरांमध्ये गेल्या २४ तासांत मुसळधार पावसाने (Mumbai Rain) जोरदार हजेरी लावली असून अनेक भागांमध्ये २०० मिमीहून अधिक पावसाची नोंद झाली आहे. ...