मुंबई : विधानपरिषदेच्या उपसभापती पदावर शिवसेनेचे सचिन अहिर (Sachin Ahir) यांची बुधवारी बिनविरोध निवड झाली. या पदासाठी उबाठा गटाकडून ज.मो. अभ्यंकर यांनी उमेदवारी अर्ज दाखल केला होता. मात्र, विधानपरिषद सभागृहाची परंपरा कायम राखण्यासाठी ही निवडणूक बिनविरोध व्हावी, अशी विनंती संसदीय कार्यमंत्री चंद्रकांत पाटील यांनी केली. त्यानुसार, सभागृहातील संख्याबळ आणि सभागृहाची परंपरा कायम राखण्यासाठी आमचा प्रस्ताव मागे घेण्याची विनंती सूचक आणि अनुमोदकांना करीत असल्याचे आमदार अनिल परब यांनी जाहीर केले. (Sachin Ahir)
सहा खासदारांनंतर विधान परिषेदेतील आमदार सचिन अहिर यांना सोबत घेत शिवसेना मुख्य नेते उपमुख्यमंत्री एकनाथ शिंदे यांनी आठवडाभरात दुसऱ्यांदा उबाठाला जोरदार झटका दिला. विधानपरिषद आमदार तथा आदित्य ठाकरे यांचे शिलेदार सचिन अहिर यांनी ठाकरेंची साथ सोडत मंगळवारी, एकनाथ शिंदे यांच्या शिवसेनेकडून उपसभापती पदाचा अर्ज दाखल केला. उपसभापती पदासाठी अहिर यांचा अर्ज दाखल करण्यासाठी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा पवार, मंत्री चंद्रकांत पाटील, मंत्री संजय शिरसाट, आमदार कृपाल तुमाने, मनिषा कायंदे, दुष्यंत चतुर्वेदी, चंद्रकांत रघुवंशी आणि इतर लोकप्रतिनिधी उपस्थित होते. त्याचवेळी महाविकास आघाडीच्या वतीने उबाठाचे आमदार ज.मो. अभ्यंकर यांनीही या पदासाठी अर्ज दाखल केला. (Sachin Ahir)
मुंबई : विधान परिषदेच्या उपसभापती पदाच्या निवडणुकीच्या पार्श्वभूमीवर राज्याच्या राजकारणात पुन्हा एकदा भूकंप झाला. उबाठा गटाचे शिलेदार सचिन अहिर ...
संख्याबळाचा विचार करता विधान परिषदेत सध्या सत्ताधारी महायुतीकडे स्वतःचे ५६ आमदारांचे भक्कम बळ आहे. याशिवाय काही अपक्ष आमदारांचाही पाठिंबा मिळण्याची दाट शक्यता होती.. महायुतीचे पारडे जड असल्याने अहिर यांच्या विजयाचा मार्ग सोपा मानला जात होता. हे लक्षात घेता, संसदीय कार्यमंत्री पाटील यांच्या विनंतीनुसार उबाठा गटाने ज.मो. अभ्यंकर यांचा प्रस्ताव मागे घेतला. त्यानंतर मुख्यमंत्री देवेंद्र फडणवीस, उपमुख्यमंत्री एकनाथ शिंदे, सुनेत्रा पवार यांनी त्यांचे अभिनंदन करीत सभागृहाच्या परंपरेनुसार त्यांना आसनावर विराजमान केले. (Sachin Ahir)
View this post on Instagram
