मुंबई : विधान परिषदेच्या उपसभापती पदाच्या निवडणुकीच्या पार्श्वभूमीवर राज्याच्या राजकारणात पुन्हा एकदा भूकंप झाला. उबाठा गटाचे शिलेदार सचिन अहिर यांनी ऐन निवडणुकीच्या तोंडावर उपमुख्यमंत्री एकनाथ शिंदे यांच्या नेतृत्वाखालील शिवसेनेच्या वतीने उपसभापती पदासाठी अर्ज दाखल केला. या घडामोडीनंतर आज (१ जुलै) दुपारी एक वाजता होणाऱ्या उपसभापती पदाच्या निवडणुकीत 'उबाठा'ची आणखी किती मतं फुटणार? याकडे संपूर्ण राजकीय वर्तुळाचे लक्ष लागले आहे. दरम्यान, वरळीत उबाठा गटाला खिंडार पाडल्यानंतर आता ठाकरेंचे आणखी एक विधान परिषद आमदार सुनील शिंदे यांनाही गळाला लावण्याची तयारी शिंदेसेनेने सुरू केल्याने उबाठा गोटात कमालीची अस्वस्थता पसरली आहे. (UBT)
आज दुपारी होणाऱ्या या निवडणुकीसाठी महायुती आणि महाविकास आघाडीच्या सर्व घटक पक्षांनी आपापल्या आमदारांना ‘व्हीप’ (पक्षादेश) बजावला असून आवाजी पद्धतीने मतदान होणार आहे. महायुतीकडून शिवसेनेचे सचिन अहिर विरुद्ध महाविकास आघाडीकडून उबाठाचे ज.मो. अभ्यंकर अशी ही लढत होत आहे. विधान परिषदेतील एकूण संख्याबळ पाहता सचिन अहिर यांचे पारडे कमालीचे जड मानले जात आहे. (UBT)
मुंबई : मुंबईकरांसाठी दिलासादायक बातमी समोर आली आहे. गेल्या काही दिवसांपासून सुरू असलेल्या जोरदार पावसामुळे मुंबईला पाणीपुरवठा करणारा पवई तलाव अखेर ...
तांत्रिक अडचण अशी की, सचिन अहिर हे २०२२ मध्ये अविभाजित शिवसेनेच्या 'धनुष्यबाण' चिन्हावर निवडून आले होते. आता अधिकृत पक्ष आणि चिन्ह एकनाथ शिंदेंकडे असल्याने अहिर यांच्यावर कायदेशीर कारवाई करणे ठाकरे गटासाठी अडचणीचे ठरणार आहे. (UBT)
सुनील शिंदेंवर शिंदेंचा डोळा :
सचिन अहिर यांच्यापाठोपाठ आता ठाकरे गटाचे वरळीतील दुसरे महत्त्वाचे नेते आणि आमदार सुनील शिंदे यांना सोबत घेण्यासाठी शिवसेनेकडून जोरदार हालचाली सुरू आहेत. सुनील शिंदे हे २०२१ मध्ये 'धनुष्यबाण' चिन्हावरच निवडून आले असून त्यांची टर्म २०२७ मध्ये संपणार आहे. आदित्य ठाकरे यांच्या वरळी मतदारसंघातील उबाठाची ताकद पूर्णपणे मोडीत काढण्यासाठी शिंदेसेनेने हे चक्रव्यूह रचल्याचे सूत्रांचे म्हणणे आहे. (UBT)
हिंदुहृदयसम्राट बाळासाहेब ठाकरे – एसटी संगे तीर्थाटन' योजनेला वेग; राज्यभर सहा प्रादेशिक पर्यटन संस्थांची होणार निवड – परिवहन मंत्री प्रताप ...
वरिष्ठांनी आत्मपरीक्षण करावं - सुनील शिंदे
सचिन अहिर यांच्या बंडानंतर सुनील शिंदे यांनी माध्यमांशी बोलताना आपली उघड नाराजी व्यक्त केली आहे. "आमच्या पक्षाच्या वरिष्ठांनी आतातरी आत्मपरीक्षण करायला हवं. सचिन अहिर यांच्या हालचालींबद्दल मला आधीच कल्पना आली होती, पण मी एक छोटा कार्यकर्ता असल्याने त्यावर भाष्य करू शकत नव्हतो", असेही त्यांनी सांगितले. (UBT)
उबाठा गटाकडे किती आमदार?
१. अनिल परब २. मिलिंद नार्वेकर ३. अंबादास दानवे ४. ज.मो. अभ्यंकर ५. सुनील शिंदे
