विरार: मुंबई उपनगरात किरकोळ कारणावरून चाकूने वार करण्याच्या घटनांचे सत्र सुरूच असून, आता विरारमध्ये पार्किंगच्या कारणावरून एका १५ वर्षीय मुलावर जीवघेणा हल्ला झाल्याची धक्कादायक घटना समोर आली आहे. या घटनेमुळे परिसरात दहशतीचे वातावरण पसरले आहे.
विधान वैयक्तिक, पक्षाचा संबंध नाही; सुनील तटकरेंकडून राष्ट्रवादीची भूमिका स्पष्ट मुंबई : विधानसभेच्या पावसाळी अधिवेशनात 'तिहेरी तलाक' आणि 'समान नागरी ...
काय आहे नेमकी घटना?
विरार पूर्वेतील कारगिल नगर, गणेश चौक परिसरातील 'महाकाली अपार्टमेंट'मध्ये पार्किंगच्या जागेवरून दोन गटांमध्ये वाद झाला. हा वाद इतका विकोपाला गेला की, त्याचे रूपांतर हाणामारीत झाले. याच रागाच्या भरात एका व्यक्तीने १५ वर्षीय शहीद शाह याच्यावर धारदार चाकूने प्राणघातक हल्ला केला.
Nashik TCS Case : नाशिक येथील बहुचर्चित टीसीएस आयटी कंपनीतील (Nashik TCS Case) कथित लैंगिक छळ, अत्याचार आणि धर्मांतर प्रकरणातील प्रमुख संशयित निदा खान (Nida Khan) हिच्यासह अन्य ...
शहीद शाहवर रुग्णालयात उपचार सुरू
या हल्ल्यात शहीद शाह गंभीर जखमी झाला असून त्याला तातडीने विरारमधील रेडिएंट हॉस्पिटलमध्ये दाखल करण्यात आले आहे. सुदैवाने, वेळेवर उपचार मिळाल्याने त्याची प्रकृती सध्या स्थिर असल्याचे सांगण्यात येत आहे.
मंत्री गुलाबराव पाटील यांचा दावा; आवाजात सुधारणा करण्याचा आदित्य ठाकरेंना सल्ला मुंबई : 'ऑपरेशन टायगर २.०' अंतर्गत उबाठा गटाचे सहा खासदार फुटल्यानंतर ...
सीसीटीव्हीत थरार कैद; आरोपींचा शोध सुरू
हल्ल्याची ही संपूर्ण घटना अपार्टमेंटच्या सीसीटीव्ही कॅमेऱ्यात कैद झाली आहे. या फुटेजच्या आधारे विरार पोलिसांनी गुन्हा दाखल केला असून, हल्लेखोर घटनेनंतर तातडीने फरार झाले आहेत. आरोपींच्या शोधासाठी पोलिसांनी विशेष पथके तैनात केली आहेत.
पुणे : पुण्यातील प्रसिद्ध उद्योगपती केतन अग्रवाल यांच्या हत्येप्रकरणी अटकेत असलेल्या सिया गोयलच्या पालकांनी अत्यंत कठोर आणि धक्कादायक पवित्रा ...
सुरक्षेचा प्रश्न ऐरणीवर
गेल्या काही दिवसांत मुंबई आणि परिसरात चाकूने वार करण्याच्या वाढत्या घटनांमुळे नागरिकांमध्ये भीतीचे वातावरण निर्माण झाले आहे. किरकोळ वादातून अल्पवयीन मुलावर जीवघेणा हल्ला झाल्यामुळे आता स्थानिक रहिवाशांनी सुरक्षेबाबत प्रश्नचिन्ह उपस्थित केले आहे. पोलीस आता या प्रकरणाचा गांभीर्याने तपास करत असून, फरार आरोपींना लवकरात लवकर अटक करण्याचे आश्वासन त्यांनी दिले आहे.
