Santa Clara, California: विश्वचषक फुटबॉल स्पर्धेत शुक्रवारी झालेल्या थरारक सामन्यात पॅराग्वेने १० खेळाडूंसह खेळून तुर्कीचा १-० ने पराभव केला. या निकालामुळे अमेरिकन संघाला फायदा झाला असून, त्यांनी 'गट डी'मध्ये अव्वल स्थान पटकावले आहे. दुसरीकडे, सलग दोन पराभवांसह तुर्कीचे स्पर्धेतील आव्हान संपुष्टात आले आहे.
Seattle: विश्वचषक फुटबॉल स्पर्धेत अमेरिकेने आपला विजयी रथ कायम राखला आहे. शुक्रवारी झालेल्या सामन्यात ऑस्ट्रेलियावर २-० ने विजय मिळवत अमेरिकन संघाने ...
मॅटियास गॅलार्झाचे 'गोल्डन' गोल
सामन्याच्या सुरुवातीलाच पॅराग्वेने आक्रमक पवित्रा घेतला. सामन्याच्या अवघ्या ६५ व्या सेकंदाला (१:०५ मिनिटांवर) मॅटियास गॅलार्झाने २५ यार्डांवरून मारलेला डाव्या पायाचा फटका थेट गोलजाळ्यात विसावला. हा या विश्वचषकातील आतापर्यंतचा सर्वात जलद गोल ठरला. सलामीच्या सामन्यात संघात नसलेल्या गॅलार्झाने आपल्या समावेशाचे सार्थकता सिद्ध केली.
फिफा विश्वचषक २०२६ स्पर्धेत मोरोक्कोने शानदार कामगिरी करत स्कॉटलंडचा १-० असा पराभव केला. या विजयासह मोरोक्कोने स्पर्धेतील पहिला विजय मिळवत बाद ...
रेड कार्डचे नाट्य आणि पॅराग्वेची झुंज
सामन्याच्या पहिल्या हाफच्या उत्तरार्धात एक वादंग निर्माण झाला. मिडफिल्डजवळ झालेल्या फाऊलनंतर पॅराग्वेचा खेळाडू मिगेल अल्मिरॉन आणि तुर्कीचा मेर्ट मुल्डूर यांच्यात शाब्दिक चकमक झाली. अल्मिरॉनने बोलताना आपले तोंड झाकल्यामुळे, नवीन नियमांचे उल्लंघन केल्याचा ठपका ठेवत रेफरी इव्हान बार्टन यांनी व्हिडिओ रिव्ह्यूद्वारे अल्मिरॉनला रेड कार्ड देऊन मैदाबाहेर पाठवले.
पॅराग्वेचा संघ १० खेळाडूंपर्यंत मर्यादित राहिल्याने तुर्कीने संधीचा फायदा घेण्याचा प्रयत्न केला. तुर्कीने सामन्यात एकूण ३२ शॉट्स मारले, परंतु गोलरक्षक ऑर्लँडो गिलने चपळाईने बचाव करत तुर्कीचे सर्व प्रयत्न हाणून पाडले.
कार्लो अँचेलोटी यांच्या मार्गदर्शनाखाली खेळणाऱ्या ब्राझीलने फिफा विश्वचषक २०२६ मध्ये पहिला विजय नोंदवत हैतीचा ३-० असा पराभव केला. या विजयासह ...
तुर्कीचे आव्हान संपुष्टात
२४ वर्षांनंतर विश्वचषकात पुनरागमन करणाऱ्या तुर्कीसाठी ही स्पर्धा अत्यंत निराशाजनक ठरली. सलग दोन पराभवामुळे त्यांचा बाद फेरी गाठण्याचा स्वप्न भंगले आहे. तुर्कीचा मिडफिल्डर अर्दा गुलरने संघाच्या या कामगिरीला "लाजिरवाणी" म्हटले असून चाहत्यांची माफी मागितली आहे. आकडेवारीनुसार, गेल्या दोन सामन्यांत गोल न करता सर्वाधिक ६२ शॉट्स मारण्याचा नकोसा विक्रम तुर्कीच्या नावावर नोंदवला गेला आहे.
व्हँकुव्हर : फिफा विश्वचषक 2026 मध्ये यजमान कॅनडाने इतिहास रचला आहे. या स्पर्धेत त्यांनी आपला पहिला विजय नोंदवला आहे.व्हँकुव्हर येथील बीसी प्लेस ...
गटाची स्थिती आणि पुढील सामने
-
गट विजेता: अमेरिका (सलग दोन विजयांसह बाद फेरीत प्रवेश).
-
पॅराग्वेची स्थिती: पॅराग्वेने आपला विजयाचा ध्यास कायम राखला असून, आता पुढील गुरुवारी होणाऱ्या सामन्यात ऑस्ट्रेलियाविरुद्ध विजय मिळवून त्यांना गटात दुसरे स्थान निश्चित करायचे आहे.
-
तुर्की: सलग दोन पराभवामुळे स्पर्धेतून बाहेर.
प्रशिक्षक विन्सेन्झो मॉन्टेला यांनी पराभवाचे दुःख व्यक्त केले असले तरी, आपल्या खेळाडूंच्या झुंजार वृत्तीचे कौतुक केले. तर पॅराग्वेच्या खेळाडूंनी या विजयाला आपल्या कारकिर्दीतील एक 'अविस्मरणीय अनुभव' असल्याचे म्हटले आहे.
