Jalgaon : जळगाव जिल्ह्यातील अमळनेर रेल्वे स्थानकावर (Amalner Railway Station) सोमवारी मध्यरात्री एक धक्कादायक घटना घडली. रेल्वे संरक्षण दल अर्थात आरपीएफमध्ये (RPF) कार्यरत असलेल्या सहाय्यक फौजदाराने स्वतःच्या डोक्यात गोळी झाडून आत्महत्येचा प्रयत्न केल्याने रेल्वे प्रशासनासह सुरक्षा यंत्रणांमध्ये एकच खळबळ उडाली आहे. जयपाल सिंह (Jaipal Singh)असे जखमी सहाय्यक फौजदाराचे नाव असून, ही घटना अमळनेर रेल्वे स्थानक परिसरातील आरपीएफ कार्यालयात घडल्याची माहिती समोर आली आहे.
Nashik Vidhan Parishad Election : विधान परिषद निवडणुकीसाठी अवघा १ दिवस शिल्लक राहिला आहे. दरम्यान, नाशिक विधान परिषद स्थानिक प्राधिकारी मतदारसंघाच्या निवडणुकीसाठी ...
नेमकं काय घडलं ?
प्राथमिक माहितीनुसार, जयपाल सिंह यांनी त्यांच्या ताब्यातील शासकीय शस्त्रातून स्वतःच्या डोक्यात गोळी झाडून जीवन संपवण्याचा प्रयत्न केला.गोळीबाराचा आवाज ऐकताच परिसरातील कर्मचारी घटनास्थळी धावले. गंभीर जखमी अवस्थेत असलेल्या फौजदाराला तातडीने उपचारासाठी रुग्णालयात दाखल करण्यात आले. मात्र प्रकृती अत्यंत गंभीर असल्याने त्यांना पुढील उपचारांसाठी धुळे (Dhule) येथील रुग्णालयात हलविण्यात आले आहे.
या घटनेमागील नेमके कारण अद्याप स्पष्ट झालेले नाही. वैयक्तिक कारणे, मानसिक तणाव किंवा इतर कोणते कारण याबाबत तपास यंत्रणा माहिती गोळा करत आहेत. घटनेनंतर रेल्वे संरक्षण दल आणि संबंधित यंत्रणांकडून चौकशी सुरू करण्यात आली असून अधिकृत अहवालाची प्रतीक्षा आहे. दरम्यान, रेल्वे स्थानकातील सुरक्षा व्यवस्थेत घडलेल्या या घटनेमुळे परिसरात मोठी चर्चा सुरू झाली असून या प्रकरणाकडे सर्वांचे लक्ष लागले आहे.