मुंबई : मुंबईची (Mumbai) जीवनवाहिनी मानल्या जाणाऱ्या लोकल (Local) सेवेला आज सकाळी मोठा फटका बसला. हार्बर मार्गावरील (Harbour Railways) चेंबूर (Chembur) आणि गोवंडी (Govandi) स्थानकांदरम्यान ओव्हरहेड इलेक्ट्रिक वायर (OHE) तुटल्याने अप (Up) आणि डाऊन (Down) दोन्ही दिशेतील लोकल वाहतूक सकाळी ९:१६ वाजल्यापासून पूर्णपणे विस्कळीत झाली. या बिघाडामुळे हजारो प्रवाशांना मनस्ताप सहन करावा लागला.
मिळालेल्या माहितीनुसार, चेंबूर-गोवंडी दरम्यान लोकलला वीजपुरवठा करणारी ओव्हरहेड वायर (OHE) अचानक तुटून लोंबकळू लागली. सुरक्षेच्या कारणास्तव रेल्वे प्रशासनाने तातडीने वीजपुरवठा खंडित केला. परिणामी या मार्गावरील अनेक लोकल गाड्या मधेच थांबल्या आणि रेल्वे स्थानकांवर मोठी गर्दी झाली.
जर तुम्ही तुमचा मोबाईल नंबर बदलला असेल किंवा जुने सिम कार्ड हरवले असेल, तर आता काळजी करण्याची गरज नाही. भारतीय विशिष्ट ओळख प्राधिकरणाने (UIDAI) ...
लोकल सेवा ठप्प झाल्याने अनेक प्रवासी गाड्यांमध्ये अडकून पडले. ट्रेन सुरू होण्यास विलंब होत असल्याने आणि उकाड्यामुळे त्रस्त झालेल्या काही प्रवाशांनी थेट रेल्वे रुळांवर उतरून जवळच्या स्थानकाकडे पायी मार्गक्रमण केले. सकाळच्या ऑफिसच्या वेळेत झालेल्या या बिघाडामुळे नोकरदार वर्गाला मोठा फटका बसला असून अनेकांना उशीर होण्याची शक्यता आहे.
दरम्यान, हार्बर मार्गावरील प्रवाशांना गेल्या काही दिवसांपासून विविध अडचणींचा सामना करावा लागत आहे. पनवेल-कर्जत नवीन रेल्वे मार्गाच्या कामामुळे पनवेल आणि खांदेश्वर स्थानकांदरम्यान वाहतुकीवर आधीच परिणाम झाला होता. त्यातच आता चेंबूर-गोवंडी दरम्यान झालेल्या OHE वायर बिघाडामुळे प्रवाशांच्या अडचणीत आणखी भर पडली आहे.
नाना पटोलेंचा दावा; प्रदेशाध्यक्ष शशिकांत शिंदेंकडून मात्र इन्कार मुंबई : एकीकडे ममता बॅनर्जी यांच्या तृणमूल पक्षाचे काँग्रेसमध्ये विलीनीकरणाच्या ...
घटनेची माहिती मिळताच रेल्वे प्रशासनाचे तांत्रिक पथक घटनास्थळी दाखल झाले असून ओव्हरहेड वायर दुरुस्तीचे काम युद्धपातळीवर सुरू करण्यात आले आहे. सेवा पूर्ववत करण्यासाठी रेल्वे प्रशासन प्रयत्नशील असल्याची माहिती देण्यात आली आहे.