मुंबई: क्रिकेट विश्वातून मोठी बातमी समोर आली आहे. बांगलादेशविरुद्धच्या आगामी तीन सामन्यांच्या टी-20 मालिकेसाठी ऑस्ट्रेलियन क्रिकेट बोर्डाने संघाची घोषणा केली आहे. त्यात एका भारतीय खेळाडूचा समावेश केल्याने क्रिकेट विश्वात खळबळ उडाली आहे. दिल्लीत जन्मलेल्या निखिल चौधरीला ऑस्ट्रेलियन संघारडून खेळण्याची संधी मिळाली आहे. ३० वर्षीय अष्टपैलू खेळाडूला ट्रेव्हिस हेडच्या जागी संघात स्थान देण्यात आले असून, तो पदार्पणाची संधी मिळाल्यास ६० वर्षांहून अधिक काळानंतर ऑस्ट्रेलियासाठी खेळणारा भारतात जन्मलेला पहिला पुरुष क्रिकेटपटू होईल. निखिल चौधरीचा जन्म दिल्लीत झाला होता, मात्र त्यानंतर तो ऑस्ट्रेलियात स्थायिक झाला. त्याने तीथे क्रिकेट व्यवस्थेतून प्रगती करत होबार्ट हरिकेन्स संघाकडून बिग बॅश लीगमध्ये चांगली कामगिरी केली. विशेष म्हणजे तो यापूर्वी आयपीएलच्या दिल्ली कॅपिटल्स फ्रँचायझीचाही भाग राहिला होता.(sports)
फुटबॉलच्या चाहत्यांसाठी अखेर ती घटिका जवळ आली आहे. २०२६ चा फिफा (FIFA) वर्ल्ड कप अवघ्या काही तासांवर येऊन ठेपला आहे. यंदाचा हा विश्वचषक केवळ मैदानावरील ...
17 जूनला ऑस्ट्रेलियनकडून पदार्पणाची संधी
ऑस्ट्रेलिया आणि बांगलादेश यांच्यातील टी-20 मालिकेला 17 जूनपासून सुरुवात होणार आहे. चट्टोग्राम येथे होणाऱ्या पहिल्या सामन्यात निखिलला संधी मिळण्याची शक्यता आहे. अस झाल्यास ,तो ऑस्ट्रेलियासाठी आंतरराष्ट्रीय क्रिकेट खेळणारा भारतात जन्मलेला पहिला पुरुष खेळाडू होईल.
View this post on Instagram
भारतात जन्मले, पण दुसऱ्या देशासाठी खेळलेले क्रिकेटपटू
क्रिकेटच्या इतिहासात भारतात जन्मलेले अनेक खेळाडू इतर देशांचे प्रतिनिधित्व करताना दिसले आहेत.
1.निखिल चौधरी (ऑस्ट्रेलिया)
दिल्लीत जन्मलेला निखिल आता ऑस्ट्रेलियन संघाच्या उंबरठ्यावर उभा आहे.
2.इश सोधी (न्यूझीलंड)
पंजाबमधील लुधियानात जन्म. नंतर कुटुंबासह न्यूझीलंडमध्ये स्थलांतर. आज न्यूझीलंडच्या प्रमुख फिरकीपटूंमध्ये गणना.
3.रचिन रवींद्र (न्यूझीलंड)
बंगळुरूशी कौटुंबिक नाळ असलेला रचिन न्यूझीलंडसाठी आंतरराष्ट्रीय क्रिकेट खेळतो. त्याचे नाव राहुल द्रविड आणि सचिन तेंडुलकर यांच्या नावांवरून ठेवण्यात आले आहे.
4.माँटी पनेसर (इंग्लंड)
पंजाबी कुटुंबातून आलेला माँटी इंग्लंडचा स्टार डावखुरा फिरकीपटू ठरला.
5.सॅम करन, टॉम करन आणि बेन करन (इंग्लंड/झिम्बाब्वे)
या तिघांचा जन्म भारतात झाला असला तरी त्यांनी इंग्लंड आणि झिम्बाब्वेचे प्रतिनिधित्व केले.
6.केशव महाराज (दक्षिण आफ्रिका)
भारतीय वंशाचे असलेले केशव महाराज दक्षिण आफ्रिकेच्या संघाचे महत्त्वाचे फिरकी गोलंदाज आहेत.
7.सुनील नारायण (वेस्ट इंडिज)
त्यांचे कुटुंब मूळ भारतीय वंशाचे आहे. त्यांनी वेस्ट इंडिजसाठी जागतिक स्तरावर नाव कमावले.
Mexico : अमेरिका, कॅनडा आणि मेक्सिको यांच्या संयुक्त यजमानपदाखाली फिफा विश्वचषक २०२६ या फुटबॉलच्या महासंग्रामाला सुरुवात होत आहे. प्रथमच ४८ संघ, १०४ सामने ...
ऑस्ट्रेलियाचा बांगलादेशविरुद्ध टी-20 संघ
मिचेल मार्श (कर्णधार), झेवियर बार्टलेट, निखिल चौधरी, कूपर कॉनोली, टिम डेव्हिड, जोएल डेव्हिस, नॅथन एलिस, कॅमेरॉन ग्रीन, ॲरॉन हार्डी, जोश इंग्लिस, स्पेन्सर जॉन्सन, मॅथ्यू कुहनेमन, रायली मेरेडिथ, जोश फिलिप, मॅथ्यू रेनशॉ आणि ॲडम झाम्पा.
