Yavatmal News : यवतमाळमध्ये प्रेमविवाह केलेल्या नवविवाहित जोडप्याचा हृदयद्रावक शेवट झाला आहे. पोटाला दगड बांधून दोघांनी विहिरीत उडी घेतली. आशिष आणि करिष्मा धानोरकर या दाम्पत्याच्या जीवनाचा असा हृदयद्रावक शेवट होईल कदाचित असे कोणालाही वाटले नसावे. या घटनेनं परिसर हादरला असून हळहळ व्यक्त होत आहे.
नवी दिल्ली : पंतप्रधान नरेंद्र मोदी यांनी भारतीय राजकारणात आणखी एक ऐतिहासिक मैलाचा दगड गाठला आहे. सलग सर्वाधिक काळ देशाचे निवडून आलेले पंतप्रधान ...
पोटाला दगड बांधून विहिरीत उडी
यवतमाळमध्ये प्रेमविवाह केलेल्या नवविवाहित जोडप्याने अवघ्या सव्वा महिन्याच्या संसारानंतर आत्महत्या केल्याची धक्कादायक घटना समोर आली आहे. आत्महत्या करण्यासाठी या दाम्पत्याने पोटाला दगड बांधून विहिरीत उडी घेतली. अवघ्या सव्वा महिन्यातच त्यांनी जीवनाची अखेर केली. दोघांनीही विहिरीत उडी घेऊन आयुष्य संपवलं. या घटनेनेमुळे यवतमाळ हादरलं असून एकच खळबळ उडाली आहे.
सोमवारी रात्रीच्या सुमारास मारेगाव तालुक्यातील सगणापूर येथे ही धक्कादायक घटना घडली. आशिष रमेश धानोरकर (Ashish Ramesh Dhanorkar) आणि करिष्मा आशिष धानोरकर (Karishma Ashish Dhanorkar) असं या दाम्पत्याचं नाव आहे. या दोघांनीही टोकाचा निर्णय घेतल्याने सर्वांनाच धक्का बसला आहे. दोघेही सुस्वभावी होते. सर्वांशी हसून बोलायचे. मेहनती होते, त्यांनी असा टोकाचा निर्णय घ्यायला नको होता, असं स्थानिक म्हणत आहेत. मिळालेल्या माहितीनुसार आशिष (Ashish Ramesh Dhanorkar) हा एकुलता एक होता.
Dhule Crime News : धुळ्यातील पश्चिम देवपूर पोलीस ठाणे (West Deopur Police Station) हद्दीत एक संतापजनक घटना समोर आली आहे. 15 वर्षीय अल्पवयीन शाळकरी मुलीला प्रेमाचं आणि लग्नाचं आमिष ...
प्रेमविवाह अन सव्वा महिन्याच्या संसाराचा शेवट
आशिष आणि करिष्मा हे दोघेही कॅटरर्सच्या कामात एकत्र मजूर म्हणून काम करत होते. याचवेळी दोघेही प्रेमात पडले. प्रेमात पडलेल्या या जोडप्याने 4 मे 2026 रोजी लग्न केलं. लग्न होईल की नाही ही धाकधूक असताना दोघांनीही एकमेकांच्या गळ्यात वरमाला घालून एकमेकांना कायमची साथ देण्याचा निर्णय घेतला. मात्र सोमवारचा दिवस दोघांच्याही आयुष्यात शेवटचा ठरला.
सोमवारी हे दोघेही वणीला जाण्याचे सांगून घराबाहेर पडले. मात्र त्यांनी सगणापूर शिवारातील विहिरीत उडी घेऊन जीवनयात्रा संपवली. दोघांनीही नवरगाव शिवारातील अनिल झाडे यांच्या शेतात आल्यावर पोटाला दगड बांधून विहिरीत उडी घेतली. आत्महत्येचे नेमके कारण अद्याप अस्पष्ट आहे. मात्र हा घातपात आहे का ? असाही संशय अनेकांकडून व्यक्त करण्यात येत आहे.
Sydney : सिडनी येथे सुरू असलेल्या ऑस्ट्रेलियन ओपन बॅडमिंटन स्पर्धेत भारतीय महिला खेळाडूंनी शानदार कामगिरी करत स्पर्धेच्या दुसऱ्या फेरीत प्रवेश केला आहे. ...
दरम्यान, झाडेंच्या शेतात मृतदेह आढळल्याची बातमी वाऱ्यासारखी पसरली अन् अख्खा गाव विहिरीभोवती जमा झाला. विहिरीच्या बाजूला मोटारसायकल आणि दोघांच्या चपला होत्या. पोलिसांनी घटनास्थळी जाऊन पंचनामा केला आहे. या प्रकरणाचा अधिक तपास सुरू आहे.