सातारा : सातारा जिल्ह्यातील कराड (Karad) शहरात एका शासकीय अभियंत्याची हत्या करण्यात आल्याची माहिती समोर आली. या घटनेनंतर जिल्ह्यात एकच खळबळ उडाली होती. या हत्येमागील सर्वांनाच हादरवून टाकणारं सत्य समोर आले आहे. सुरुवातीला अपघात वाटणाऱ्या या घटनेचा तपास करताना पोलिसांनी हा नियोजित खून असल्याचा दावा केला आहे. या प्रकरणात मृत अभियंत्याच्या जवळच्या नातेवाईकाला अटक करण्यात आले आहे. (Satara Murder)
मिळालेल्या माहितीनुसार,लक्ष्मण श्रीरंग मंडले (वय ४५) हे ठाणे जिल्ह्यातील शहापूर येथे जलसंधारण विभागात अभियंता म्हणून कार्यरत होते. सलग सुट्टी असल्याने ते ठाण्याहून कराडला घरी येत होते. शनिवारी पहाटे ते कराडमध्ये उतरून घराकडे जात असताना एका कारने त्यांना जोरदार धडक दिली. गंभीर जखमी झालेल्या मंडले यांना रुग्णालयात दाखल करण्यात आले, मात्र उपचारापूर्वीच त्यांचा दुर्दैवी मृत्यू झाला.
सोलापूर: सोलापूर (Solapur) जिल्ह्यातील दक्षिण सोलापूर तालुक्यातील वरूर गावात एक मन सुन्न करणारी घटना उघडकीस आली आहे. अवघ्या ५ वर्षांच्या ...
घटनेनंतर पोलिसांनी परिसरातील सीसीटीव्ही फुटेज तपासले. त्यामध्ये कारने धडक दिल्यानंतर चालकाने वाहन पुन्हा मागे घेऊन मंडले यांच्यावर आणखी वारंवार गाडी चालवल्याचे दिसून आले. त्यामुळे हा अपघात नसून घातपात असल्याचे स्पष्ट झाले.
पोलिसांच्या हाती धक्कादायक माहिती
तपासादरम्यान पोलिसांना आणखी धक्कादायक माहिती मिळाली. मंडले यांच्या पत्नी सुरेखा मंडले आणि तिचा भाऊ संग्राम चव्हाण यांनी काही दिवसांपूर्वीच हत्येचा कट रचल्याचा संशय पोलिसांनी व्यक्त केला आहे. प्राथमिक तपासानुसार, या गुन्ह्यासाठी काही व्यक्तींना पैशांचे आमिष दाखवून काम सोपवण्यात आले होते.
पुणे : पुण्यात पुन्हा एकदा कथित रेव्ह पार्टीचा (Raid On Pune Rave Party) पर्दाफाश झाला असून गुन्हे शाखेच्या पथकाने मध्यरात्री टाकलेल्या छाप्यात मोठी कारवाई केली आहे. ...
घटनेच्या दिवशी मंडले यांनी कराडमध्ये पोहोचल्यानंतर पत्नीला फोन करून आपल्याला घेण्यासाठी येण्यास सांगितले होते. याच माहितीच्या आधारे आरोपींना त्यांच्या हालचालींची माहिती मिळाल्याचे तपासात समोर आले आहे.
या प्रकरणात पोलिसांनी मुख्य सूत्रधार पत्नी सुरेखा मंडले आणि मेहुणा संग्राम चव्हाण यांना अटक केले. हल्ले करणारे दोन जण फरार झाल्याची माहिती आहे. हल्ला करणाऱ्या अन्य दोघांचा शोध सुरू आहे. त्यासाठी विशेष पथके नियुक्त करण्यात आली आहेत. प्रकरणाचा पुढील तपास सुरू असून पोलिसांकडून विविध पुरावे गोळा केले जात आहेत.
