सोलापूर: सोलापूर (Solapur) जिल्ह्यातील दक्षिण सोलापूर तालुक्यातील वरूर गावात एक मन सुन्न करणारी घटना उघडकीस आली आहे. अवघ्या ५ वर्षांच्या चिमुकल्याची त्याच्या सख्ख्या काकाने हत्या (Murder) केल्याचा आरोप असून या घटनेमुळे संपूर्ण परिसरात हळहळ व्यक्त होत आहे. सार्थक यल्लाप्पा कास्तार असे मृत मुलाचे नाव आहे. (Solpaur Crime)
मिळालेल्या माहितीनुसार, सार्थकचे आई-वडील ऊसतोड मजूर म्हणून बाहेरगावी कामाला गेले होते. त्यामुळे तो आपल्या आजीकडे राहत होता. ४ जून रोजी दुपारी तो खेळण्यासाठी काका अंकुश कास्तार यांच्या घरी जात असल्याचे सांगून घराबाहेर पडला. काही वेळानंतर अंकुशने सार्थकला बेशुद्ध अवस्थेत घरी आणले.
मुंबईतून (Mumbai) एक संतापजनक घटना समोर आली आहे. मुंबई लोकल ट्रेनमधून प्रवास करताना एका तरुणीचा विनयभंग (Molestation) झाल्याचा प्रकार उघडकीस आला आहे. या प्रकरणी एका ...
कुटुंबीयांनी तातडीने त्याला रुग्णालयात दाखल केले. मात्र डॉक्टरांनी तपासणी करून त्याला मृत घोषित केले. सुरुवातीला हा प्रकार अपघाती असल्याचे भासवण्याचा प्रयत्न करण्यात आला होता. मात्र मुलाच्या शरीरावर आढळलेल्या जखमांमुळे संशय निर्माण झाला.
आरोपीवर गुन्हा दाखल
पोलिसांनी तपास सुरू केल्यानंतर शवविच्छेदन अहवालात महत्त्वाची माहिती समोर आली. अहवालानुसार, मुलाला मारहाण करण्यात आली होती तसेच त्याचा गळा आवळल्याने त्याचा मृत्यू झाला होता. यानंतर पोलिसांनी संशयित काका अंकुश परसप्पा कास्तार याच्याविरुद्ध खुनाचा गुन्हा दाखल केला.
तपासादरम्यान आरोपीने सुरुवातीला पोलिसांना दिशाभूल करण्याचा प्रयत्न केल्याचेही समोर आले आहे. मात्र वैद्यकीय अहवाल आणि इतर पुराव्यांच्या आधारे त्याच्याविरोधात कारवाई करण्यात आली आहे.
या घटनेमागील नेमके कारण अद्याप स्पष्ट झाले नसून मंद्रूप पोलीस ठाण्याचे अधिकारी विविध अंगांनी तपास करत आहेत. सख्ख्या काकानेच पुतण्याची हत्या केल्याच्या आरोपामुळे गावासह संपूर्ण परिसरात संताप आणि हळहळ व्यक्त केली जात आहे.
