उपाहारगृह (हॉटेल) परिसरातील अग्निप्रतिबंधक व जीव संरक्षण यंत्रणा कायमस्वरूपी सुस्थितीत व कार्यरत अतिरिक्त आयुक्त (शहर) डॉ. अश्विनी जोशी यांचे आवाहन
मुंबई : दिल्ली येथे नुकत्याच घडलेल्या दुर्दैवी हॉटेल आग दुर्घटनेने अग्निसुरक्षेच्या उपाययोजनांचे महत्त्व पुन्हा अधोरेखित झाले आहे. याच पार्श्वभूमीवर नागरिक, पर्यटक तसेच कर्मचाऱ्यांच्या सुरक्षिततेस सर्वोच्च प्राधान्य देत मुंबईतील सर्व उपाहारगृह (Hotel) परिसरातील अग्निप्रतिबंधक व जीव संरक्षण यंत्रणा कायमस्वरुपी सुस्थितीत व कार्यरत ठेवाव्यात, असे निर्देश अतिरिक्त आयुक्त (शहर) डॉ.अश्विनी जोशी यांनी दिले आहेत. तसेच, ०६ ते २० जून २०२६ या कालावधीदरम्यान मुंबई अग्निशमन दलाकडून विविध विभागांच्या सहकार्याने विशेष संयुक्त तपासणी मोहीम आयोजित करण्यात येत आहे, असेही त्यांनी सांगितले.
दरम्यान, मुंबई महानगरपालिकेच्या संयुक्त पथकाद्वारे अंधेरी (पश्चिम) येथील वॉकमन बार, बोरा बोरा, चायना गेट, कारवन सेराई व होमटाऊन या हॉटेल आणि बारवर तोडक व जप्तीची कारवाई करण्यात आली.
महानगरपालिका आयुक्त आश्विनी भिडे यांच्या निर्देशांनुसार, अतिरिक्त महानगरपालिका आयुक्त (शहर) डॉ. अश्विनी जोशी यांच्या मार्गदर्शनात, मुंबई अग्निशमन दलाचे प्रमुख अग्निशमन अधिकारी रविंद्र आंबुलगेकर यांच्या नेतृत्वात मुंबईत अग्निशमनविषयक विविध उपाययोजना केल्या जातात. याच पार्श्वभूमीवर, उपाहारगृहांसाठी निर्देश जारी करण्यात आले आहेत. तसेच, विशेष संयुक्त तपासणी मोहिमेचे आयोजन करण्यात आले आहे.
मुंबई : दक्षिण मुंबईतील पायधुनी परिसरात राहणाऱ्या डोकाडिया कुटुंबातील चौघांच्या मृत्यू प्रकरणाचे गूढ (mystery) दिवसेंदिवस अधिकच गडद होत आहे. सुरुवातीला ...
अतिरिक्त आयुक्त (शहर) डॉ. अश्विनी जोशी यांनी याबाबत सांगितले की, महाराष्ट्र अग्निप्रतिबंधक व जीव संरक्षण उपाययोजना अधिनियम - २००६ नुसार, सर्व अग्निप्रतिबंधक व जीव संरक्षण यंत्रणा कायमस्वरूपी सुस्थितीत व कार्यरत ठेवणे बंधनकारक आहे. या अनुषंगाने, मुंबईतील सर्व उपाहारगृहे (Hotel) परिसरात स्थापित अग्निशामक यंत्रे , स्प्रिंकलर प्रणाली (Sprinkler system) , अग्निसूचना व शोध प्रणाली , किचन डक्टिंग (Kitchen Ducting) व्यवस्था, हायड्रंट प्रणाली (Fire Hydrant System) तसेच आपत्कालीन परिस्थितीत बाहेर पडण्याचे मार्ग आदी सर्व अग्निसुरक्षा यंत्रणा २४ तास कार्यरत, सुरक्षित व कोणत्याही अडथळ्याविना उपलब्ध ठेवाव्यात. तसेच, अग्निसुरक्षा यंत्रणांची वर्षातून दोन वेळा (जानेवारी व जुलै महिन्यात) शासनमान्य परवानाधारक संस्थेमार्फत तपासणी करून घेणे अनिवार्य आहे. सदर तपासणीनंतर प्राप्त होणारे अनुपालन प्रमाणपत्र अर्थात ‘फॉर्म-बी’ कोणताही विलंब न करता नियमितपणे मुंबई अग्निशमन दलाकडे सादर करावा, असे निर्देश देखील जोशी यांनी दिले आहेत.
दरम्यान, ०६ ते २० जून २०२६ या कालावधीदरम्यान मुंबई महानगरपालिकेच्या विविध विभागाच्या सहकार्याने मुंबई अग्निशमन दलाकडून विशेष संयुक्त तपासणी मोहीम आयोजित करण्यात आली आहे. या मोहिमेत, बृहन्मुंबई क्षेत्रातील (मुंबई शहर आणि उपनगरे) मॉल, तारांकित निवासी हॉटेल, लॉजिंग-बोर्डिंग, पार्टी हॉल, बँक्वेट हॉल, रुफ टॉप, पब, नाईट क्लब, रेस्टॉरंट व बार, ऑर्केस्ट्रा बार, जिमखाना तसेच अन्य ठिकाणांची अग्निसुरक्षेच्या दृष्टीने तपासणी करण्यात येईल. , ही मोहीम या कालावधीनंतरही नियमितपणे सुरू राहील, असेही जोशी यांनी सांगितले.
इंडिया ए (India A Cricket Team), श्रीलंका ए आणि अफगाणिस्तान ए यांच्यात होणाऱ्या वनडे ट्राय सीरिजला ९ जूनपासून सुरुवात होत आहे. या ...
अग्निसुरक्षेच्या नियमांचे पालन ही केवळ कायदेशीर जबाबदारी नसून सामाजिक उत्तरदायित्व देखील आहे. त्यामुळे, अग्निसुरक्षेबाबत कोणतीही तडजोड न करता निर्देशांचे काटेकोरपणे पालन करून नागरिकांच्या सुरक्षिततेस प्राधान्य द्यावे, असे आवाहन मुंबई अग्निशमन दलाकडून सर्व उपाहारगृह मालक, व्यवस्थापक व संबंधित घटकांना करण्यात येत आहे.
दरम्यान, अतिरिक्त आयुक्त (शहर) डॉ. अश्विनी जोशी यांच्या निर्देशांनुसार, उपआयुक्त (परिमंडळ-४) डॉ. भाग्यश्री कापसे यांच्या मार्गदर्शनात आणि सहायक आयुक्त (के पश्चिम विभाग) चक्रपाणी अल्ले यांच्या नेतृत्वात प्रशासकीय विभाग (वॉर्ड) सार्वजनिक आरोग्य विभाग, अनुज्ञापन विभाग, इमारत व कारखाना विभाग आणि मुंबई अग्निशमन दल यांच्या संयुक्त पथकाद्वारे अंधेरी (पश्चिम) येथील वॉकमन बार, बोरा बोरा, चायना गेट, कारवन सेराई व होमटाऊन या हॉटेल आणि बारवर कारवाई करण्यात आली. नियमांनुसार राखीव असलेल्या अनिवार्य खुल्या जागेचा वापर या आस्थापनांकडून स्वयंपाकघर व सेवा क्षेत्रासाठी केला जात असल्याचे निदर्शनास आले. त्यामुळे सदर खुल्या जागेवरील अनधिकृत आच्छादन व बांधकाम निष्कासित करण्यात आले. तसेच, १७ व्यावसायिक एलपीजी गॅस सिलिंडर, १ नायट्रोजन गॅस सिलिंडर, १ गॅस बँक, ४ कुकिंग रेंज तसेच मायक्रोवेव्ह ओव्हन जप्त करण्यात आले.