Nashik News : महाराष्ट्रात प्रतिबंधित गुटखा व सुगंधित पानमसाल्याच्या विक्रीविरोधात अन्न व औषध प्रशासनाने (एफडीए) धडक कारवाई सुरू ठेवली असून विंचूर येथे एका गुटखा विक्रेत्यावर छापा टाकत सव्वा लाखांहून अधिक किमतीचा मुद्देमाल जप्त करण्यात आला आहे. या प्रकरणी संबंधित विक्रेत्याला अटक करण्यात आली आहे.
अन्न व औषध प्रशासनाचे आयुक्त तुकाराम मुंढे यांच्या नेतृत्वाखाली सुरू असलेल्या विशेष मोहिमेअंतर्गत नाशिक विभागाच्या पथकाने विंचूर येथील निलेश दिलीपचंद बोथरा यांच्या गोदामावर छापा टाकला. या कारवाईदरम्यान महाराष्ट्रात विक्रीस प्रतिबंध असलेला गुटखा व सुगंधित पानमसाल्याचा मोठा साठा आढळून आला.
Ahilyanagar Crime News : अहिल्यानगर जिल्ह्यातून एक धक्कादायक घटना समोर आली आहे. लहान भावाला जास्त जीव लावला जातो, हा राग मनात धरून एका मॅकेनिकल इंजिनिअर (Mechanical Engineer) ...
निलेश बोथरा ताब्यात
पथकाने तत्काळ कारवाई करत एकूण १ लाख २३ हजार ५९४ रुपयांचा मुद्देमाल जप्त केला. तसेच आरोपी निलेश बोथरा याला ताब्यात घेऊन अटक करण्यात आली आहे. या प्रकरणी लासलगाव पोलीस ठाण्यात अन्न सुरक्षा व मानके अधिनियम, २००६ अंतर्गत संबंधित कलमान्वये गुन्हा दाखल करण्यात आला आहे.
दरम्यान, तुकाराम मुंढे यांनी अन्न व औषध प्रशासनाची जबाबदारी स्वीकारल्यानंतर राज्यभर भेसळखोर आणि प्रतिबंधित पानमसाला विक्रेत्यांविरोधातील कारवायांना गती मिळाल्याचे पाहायला मिळत आहे. विशेष मोहिमेद्वारे आतापर्यंत कोट्यवधी रुपयांचा मुद्देमाल जप्त करण्यात आला असून अनेक आरोपींना अटक करण्यात आली आहे.