पुणे : पुण्यातील सहकारनगर परिसरात अल्पवयीन मुलीच्या आत्महत्येची धक्कादायक घटना समोर आली असून, या प्रकरणी एका तरुणाविरुद्ध गुन्हा दाखल करण्यात आला आहे. प्रेमसंबंधातून लग्नाचे आश्वासन देऊन नंतर नकार दिल्यामुळे मानसिक धक्का बसलेल्या मुलीने टोकाचे पाऊल उचलल्याचा आरोप करण्यात आला आहे. या घटनेमुळे परिसरात हळहळ व्यक्त केली जात आहे.
पोलिसांनी दिलेल्या माहितीनुसार, जुलै २०२५ ते २ जानेवारी २०२६ या कालावधीत संबंधित अल्पवयीन मुलगी आणि समीर महादेव रणदिवे (वय २२, रा. फोडशिरस, ता. माळशिरस, जि. सोलापूर) यांच्यात प्रेमसंबंध सुरू झाल्याचे तपासात समोर आले आहे. मुलगी अल्पवयीन असल्याची माहिती असतानाही आरोपी तिच्या संपर्कात राहिला आणि वारंवार भेटी घेत असल्याचे पोलिसांनी सांगितले.
तक्रारीनुसार, आरोपीने मुलीला लग्नाचे आश्वासन दिले होते. त्याच्या बोलण्यावर विश्वास ठेवून मुलीने भविष्यासंदर्भात अनेक अपेक्षा निर्माण केल्या होत्या. मात्र काही काळानंतर लग्नाचा विषय पुढे आल्यानंतर आरोपीने लग्नास नकार दिल्याचा आरोप आहे. या प्रकारामुळे मुलीला मोठा मानसिक धक्का बसला.
दरम्यान, मुलगी घरात गळफास घेतलेल्या अवस्थेत आढळून आली. सुरुवातीला या घटनेची अकस्मात मृत्यू म्हणून नोंद करण्यात आली होती. मात्र तपासादरम्यान आत्महत्येमागील कारणांचा शोध घेत असताना प्रेमसंबंध आणि लग्नाच्या आश्वासनाचा मुद्दा समोर आला.
यानंतर मुलीच्या नातेवाईकांनी दिलेल्या तक्रारीच्या आधारे सहकारनगर पोलीस ठाण्यात समीर रणदिवे याच्याविरुद्ध आत्महत्येस प्रवृत्त करणे आणि फसवणुकीसंदर्भातील गुन्हा दाखल करण्यात आला आहे. पोलिसांकडून या प्रकरणाचा पुढील तपास सुरू असून आरोपीचा शोध घेतला जात आहे. या प्ररणानंतर परिसरात एकच खळबळ उडाली आहे.
LPG Gas Cylinder Price : LPG ग्राहकांना पुन्हा झटका! गॅस सिलेंडरच्या दरात वाढ; आजपासून नवे दर लागू
नवी दिल्ली : देशातील ऑइल मार्केटिंग कंपन्यांनी एलपीजी सिलेंडरच्या किमतीत (LPG Gas Cylinder Price) पुन्हा एकदा वाढ करण्याची घोषणा केली आहे. मात्र, ही दरवाढ केवळ १९ ...
