नवी दिल्ली : देशातील ऑइल मार्केटिंग कंपन्यांनी एलपीजी सिलेंडरच्या किमतीत (LPG Gas Cylinder Price) पुन्हा एकदा वाढ करण्याची घोषणा केली आहे. मात्र, ही दरवाढ केवळ १९ किलोच्या व्यावसायिक गॅस सिलेंडर आणि पाच किलोच्या लहान सिलेंडरपुरतीच मर्यादित आहे. घरगुती वापरासाठीच्या १४.२ किलोच्या एलपीजी सिलेंडरच्या किमतीत कोणतीही वाढ करण्यात आलेली नाही. ऑइल मार्केटिंग कंपन्यांनी १९ किलोच्या व्यावसायिक गॅस सिलेंडरच्या किमतीत ४२ रुपयांपासून ५३.५० रुपयांपर्यंत वाढ केली आहे. नवीन दर आजपासून लागू झाले आहेत.
PM Surya Ghar Yojana : ४० लाख कुटुंबांनी घेतला लाभ; PM Surya Ghar योजनेसाठी अर्ज कसा कराल?
मुंबई : वाढत्या वीज दरांमुळे सर्वसामान्य नागरिकांच्या खिशाला मोठा फटका बसत असताना केंद्र सरकारची PM Surya Ghar Yojana लाखो कुटुंबांसाठी दिलासादायक ठरत आहे. ...
यापूर्वी गेल्या महिन्याच्या पहिल्या दिवशी म्हणजेच १ मे रोजी व्यावसायिक सिलेंडरच्या किमतीत (LPG Gas Cylinder Price) सुमारे एक हजार रुपयांची वाढ करण्यात आली होती. दिल्लीमध्ये ही वाढ ९९३ रुपये होती, तर कोलकातामध्ये व्यावसायिक गॅस सिलेंडरची किंमत ९९८.५० रुपयांनी वाढली होती. त्याचप्रमाणे मुंबईमध्ये व्यावसायिक गॅस सिलेंडरच्या किमतीत ९९३ रुपयांची वाढ झाली होती. तर चेन्नईमध्ये व्यावसायिक गॅस सिलेंडर ९९०.५० रुपयांनी महागला होता.आजच्या दरवाढीनंतर राजधानी दिल्लीमध्ये व्यावसायिक एलपीजी गॅस सिलेंडरची किंमत ३,११३.५० रुपये झाली असून कोलकातामध्ये ती वाढून ३,२५५.५० रुपयांवर पोहोचली आहे. मुंबईमध्ये व्यावसायिक गॅस सिलेंडर आज सकाळपासून ३,०६7.५० रुपयांना उपलब्ध आहे, तर चेन्नईमध्ये त्याची किंमत वाढून ३,२८3.५० रुपये झाली आहे.
Mumbai-Pune Expressway : मुंबई-पुणे एक्सप्रेसवेवर दोन ट्रकचा चक्काचूर, कारची जोरदार धडक; २ जणांचा मृत्यू, 'मिसिंग लिंक' तासभर ठप्प!
मुंबई : सोमवार, १ जून रोजी पहाटेच्या शांततेत मुंबई-पुणे द्रुतगती मार्गावर (Mumbai-Pune Expressway) एक अत्यंत अंगावर काटा आणणारा अपघात घडला. खालापूर फूड मॉलजवळ (Khalapur Food Mall) ...
व्यावसायिक गॅस सिलेंडरप्रमाणेच ‘लहान सिलेंडर’ म्हणून ओळखल्या जाणाऱ्या पाच किलोच्या फ्री ट्रेड एलपीजी (एफटीएल) सिलेंडरच्या किमतीतही आजपासून ११ रुपयांची वाढ करण्यात आली आहे. या वाढीनंतर पाच किलोच्या एफटीएल सिलेंडरची किंमत ८२१.५० रुपयांपासून ८३२.५० रुपयांपर्यंत झाली आहे.घरगुती वापरासाठीच्या १४.२ किलोच्या एलपीजी सिलेंडरच्या किमतीबाबत बोलायचे झाल्यास, त्याच्या दरात कोणताही बदल करण्यात आलेला नाही. घरगुती गॅस सिलेंडरच्या किमतीत अखेरचा बदल यावर्षी ७ मार्च २०२६ रोजी करण्यात आला होता. त्या दिवशी घरगुती गॅस सिलेंडरच्या किमतीत ६० रुपयांपर्यंत वाढ करण्यात आली होती. (LPG Gas Cylinder Price)
देशातील प्रमुख ऑइल मार्केटिंग कंपनी इंडियन ऑइल कॉर्पोरेशन यांनी दिलेल्या माहितीनुसार, अनुदानविरहित १४.२ किलोच्या घरगुती एलपीजी सिलेंडरची किंमत (LPG Gas Cylinder Price) सध्या दिल्लीमध्ये ९१३ रुपये आहे. त्याचप्रमाणे मुंबईमध्ये घरगुती एलपीजी सिलेंडरची किंमत ९१२.५० रुपये आहे. तर कोलकातामध्ये ग्राहकांना घरगुती एलपीजी सिलेंडर ९३९ रुपयांना मिळत आहे. चेन्नईमध्ये घरगुती एलपीजी सिलेंडरची किंमत सध्या ९२८.५० रुपये आहे. (LPG Gas Cylinder Price)