पुणे : पुणे जिल्ह्यातील गुन्हेगारीचे प्रमाण वाढत आहे. ताजी घटना शिरूर तालुक्यातील करडे घाट परिसरातली आहे. घाटात एक भयंकर प्रकार घडला आहे. दोन गुंडांच्या टोळ्यांमध्ये हिंसक संघर्ष झाला. दोन्ही बाजूच्या गुंडांमध्ये तुफान हाणामारी झाली. मारामारीचे रूपांतर गोळीबारात झाले. या गोळीबारात एका गँगस्टरचा मृत्यू झाला.
मुंबई : मध्य रेल्वेची अत्यंत लोकप्रिय आणि मानाची ट्रेन असलेल्या “डेक्कन क्वीन” (दख्खनची राणी) ने सोमवारी १ जून रोजी आपल्या सेवेच्या गौरवशाली ९७ व्या ...
पोलीस गुन्हेगारीचे प्रमाण नियंत्रणात असल्याचे सांगत असले तरी स्थानिक काही भागांमध्ये गुन्हेगारीचा त्रास प्रचंड प्रमाणात होत असल्याची तक्रार करत आहेत. मिळालेल्या माहितीनुसार, पुण्यातील शिरूर तालुक्यातील करडे घाटात संध्याकाळी सातच्या सुमारास हिंसक संघर्ष झाला. दोन गुंडांच्या टोळ्या एकमेकांच्या वाहनांचा पाठलाग करत घाटात पोहोचल्या. घाटात दोन्ही टोळ्यांच्या वाहनांनी एकमेकांना जोरदार धडक दिली. यानंतर रस्त्यावर उतरून आधी शाब्दिक वाद घातला. वाद वाढला आणि काही गुंडांनी एकमेकांवर गोळीबार केला. या गोळीबारात एका गुंडाचा मृत्यू झाला.
काठमांडू : भारत आणि नेपाळमधील सीमावाद सोडवण्यासाठी ब्रिटनची मदत मागणारे नेपाळचे पंतप्रधान बालेन शाह यांना आंतरराष्ट्रीय पातळीवर मोठा धक्का बसला ...
गोळीबाराचे आवाज ऐकून घाट परिसरात असलेल्या काही जणांनी घाबरून आहेत तिथेच थांबून पोलिसांशी संपर्क केला. माहिती मिळताच पोलीस तातडीने घटनास्थळी पोहोचले. तोपर्यंत एकाचा मृत्यू झाला होता. पोलीस येत असल्याचे बघून गुंड पळून गेले. आता घाटातील हिंसेप्रकरणी पोलीस तपास सुरू आहे.
याआधी काही दिवसांपूर्वी शिरूरचे नगरसेवक महेंद्र मल्लाव यांच्या हत्याकांडात विशाल काळे आणि सनी यादव या दोन आरोपींना जामीन मिळाला. आरोपी सनी यादव आणि विशाल काळे या दोघांवर कुठल्यातरी मुद्यावरून वाद होता. याच वादातून दोन्ही गुंड आणि त्यांच्या समर्थकांमध्ये संघर्ष झाला. या संघर्षात विशाल काळेचा मृत्यू झाला. या प्रकरणात आता पोलीस तपास सुरू आहे.
