फ्रेंच ओपन 2026 स्पर्धेसाठी भारतीय वंशाचा अमेरिकन टेनिसपटू निशेष बसवरेड्डी याला वाइल्ड कार्ड एंट्री मिळाली आहे. आयोजकांनी सोमवारी याची अधिकृत घोषणा केली आहे. फ्रेंच ओपेन 2026 २४ मे पासून सुरु झाली आहे. निशेष बसवरेड्डीसोबत तीन वेळा ग्रँडस्लॅम विजेता स्टॅन वावरिंका आणि फ्रान्सचा स्टार खेळाडू गेल मॉनफिल्स यांनाही थेट मुख्य फेरीत स्थान देण्यात आले आहे. वावरिंका आणि मॉनफिल्स हे दोघेही आपल्या करियरच्या अखेरच्या टप्प्यात आहे, हा त्यांचा शेवटचा फ्रेंच ओपन ठरण्याची शक्यता मानली जात आहे. ४१ वर्षीय वावरिंक आणि ३९ वर्षीय मॉनफिल्स या दोंघेही या स्पर्धेनंतर व्यावसायिक टेनिसमधून निवृत्ती घेऊ शकतात.
स्वित्झर्लंडच्या स्टॅन वावरिंकाने 2015 मध्ये रोलाँ गॅरोचे (French Open) विजेतेपद पटकावले होते. सध्या तो एटीपी क्रमवारीत (ATP Rankings) ही पुरुषांच्या व्यावसायिक टेनिस (Professional Tennis) खेळाडूंची जागतिक पातळीवरील गुणवत्तेनुसार लावलेली क्रमवारी आहे.) 125 व्या स्थानावर आहे. तर गेल मॉनफिल्सने 2008 मध्ये फ्रेंच ओपनच्या उपांत्य फेरीत धडक मारली होती. आयोजकांकडून या दोन्ही दिग्गजांचा विशेष सत्कारही करण्यात येणार आहे.
21 वर्षीय निशेष बसवरेड्डीचे पालक मूळचे आंध्र प्रदेशातील नेल्लोरचा आहे. त्याचे वडील मुरलीकृष्ण बसवरेड्डी आणि आई साई प्रसन्ना 1999 मध्ये अमेरिकेत स्थायिक झाले होते. निशेषने यावर्षी ऑस्ट्रेलियन ओपनच्या दुसऱ्या फेरीत प्रवेश करत सर्वांचे लक्ष वेधले होते.