मुंबई : कान्स फिल्म फेस्टिव्हल २०२६ (Cannes Film Festival 2026) मध्ये अभिनेत्री ऐश्वर्या राय बच्चनच्या (Aishwarya Rai Bachchan) उपस्थितीची सर्वत्र चर्चा रंगली आहे. रेड कार्पेटवरील (Red Carpet) तिच्या वेगवेगळ्या लूकने चाहत्यांचे लक्ष वेधून घेतले असले, तरी सोशल मीडियावर काही जणांनी तिच्या फॅशन सेन्ससह वयावरूनही टीका केली. मात्र, या ट्रोलिंगच्या पार्श्वभूमीवर भाजप खासदार आणि अभिनेत्री कंगना रनौत (Kangana Ranaut) ऐश्वर्याच्या समर्थनार्थ मैदानात उतरली आहे.
कान्सच्या पहिल्या दिवशी ऐश्वर्याने आपल्या आकर्षक आणि ग्लॅमरस लूकने चाहत्यांना अक्षरशः भुरळ घातली होती. त्यानंतर दुसऱ्या दिवशी ती एका दमदार आणि आत्मविश्वासपूर्ण अंदाजात रेड कार्पेटवर दिसली. तिच्या या दोन्ही लूकला अनेकांनी पसंती दिली, तर काहींनी सोशल मीडियावर तिची खिल्ली उडवण्यास सुरुवात केली. यावर कंगना रनौतने थेट प्रतिक्रिया देत ट्रोलर्सना फटकारले.
नवी दिल्ली : देशभरातील वाहनधारकांना पुन्हा एकदा महागाईचा फटका बसला आहे. पेट्रोल आणि डिझेलच्या किमतींमध्ये ११ दिवसांत चौथ्यांदा वाढ करण्यात आली आहे. ...
ऐश्वर्याच्या पाठीशी उभी राहिली कंगना
कंगनाने तिच्या इन्स्टाग्राम स्टोरीवर (Instagram Story) ऐश्वर्या रायच्या निळ्या रंगाच्या गाऊनमधील छायाचित्र शेअर करत एक सडेतोड पोस्ट लिहिली. तिने म्हटले की, “फॅशन आणि स्टाइल ही प्रत्येक व्यक्तीची स्वतःला व्यक्त करण्याची पद्धत असते. प्रत्येक जण जीवनाकडे वेगळ्या नजरेने पाहतो. कोणतीही महिला इतरांना खूश करण्यासाठी जगत नाही. ऐश्वर्या अत्यंत सुंदर दिसत आहे. जर काही लोकांना ती वेगळ्या स्वरूपात पाहायची असेल, तर त्यांनी आधी स्वतःकडेही एकदा पाहावे. ऐश्वर्या रेड कार्पेटवर कुणाला आनंदी करण्यासाठी येत नाही, तर ती तिच्या आत्मविश्वास आणि स्वतंत्र व्यक्तिमत्त्वासह तिथे उपस्थित राहते.” कंगनाच्या या विधानानंतर सोशल मीडियावरही चर्चांना उधाण आले असून अनेकांनी तिच्या भूमिकेचे समर्थन केले आहे.
मुंबई : मुंबईला पाणीपुरवठा करणाऱ्या सात तलावांमध्ये सध्या केवळ १८.८६% पाणीसाठा शिल्लक आहे. त्यामुळे पाणीटंचाईची शक्यता लक्षात घेऊन बृहन्मुंबई ...
वयावरून टीका करणाऱ्यांनाही दिले प्रत्युत्तर
ऐश्वर्याच्या वयाचा उल्लेख करत सोशल मीडियावर काहींनी नकारात्मक प्रतिक्रिया दिल्या होत्या. यावरही कंगनाने स्पष्ट शब्दांत उत्तर दिले. तिने आपल्या पोस्टमध्ये म्हटले की, “जर लोकांना रेड कार्पेटवर प्रौढ आणि मोठ्या वयाच्या महिलांना पाहण्याची सवय नसेल, तर आता ती सवय करून घ्यायला हवी.” कंगनाच्या या वक्तव्याकडे अनेकांनी सकारात्मक दृष्टिकोनातून पाहिले असून, महिलांच्या वयावरून होणाऱ्या टीकेविरोधात तिने आवाज उठवल्याचे मत व्यक्त केले जात आहे.
कान्स २०२६मध्ये (Cannes 2026) ऐश्वर्याचा हटके अंदाज
यंदाच्या कान्स फिल्म फेस्टिव्हलमध्ये ऐश्वर्या राय बच्चनने प्रसिद्ध फॅशन डिझायनर अमित अग्रवाल यांनी डिझाइन केलेला आकर्षक निळ्या रंगाचा गाऊन परिधान केला होता. या गाऊनची संकल्पना अंतराळ आणि विश्वाच्या सौंदर्यापासून प्रेरित असल्याचे सांगितले जाते. ड्रेसवर अत्यंत बारकाईने क्रिस्टल एम्ब्रॉयडरी करण्यात आली होती आणि हा पोशाख तयार करण्यासाठी तब्बल १५०० तास खर्च करण्यात आले होते.
ऐश्वर्याचा हा लूक समोर येताच सोशल मीडियावर त्याची मोठ्या प्रमाणात चर्चा सुरू झाली. अनेकांनी तिच्या सौंदर्याचे आणि आत्मविश्वासाचे कौतुक केले, तर काहींनी तिच्या स्टाइल आणि वयावरून टीका केली. मात्र, या सर्व चर्चांदरम्यान ऐश्वर्याच्या समर्थनार्थ अनेक सेलिब्रिटी आणि चाहत्यांनीही भूमिका घेतली. गेल्या दोन दशकांहून अधिक काळापासून ऐश्वर्या राय बच्चन कान्स फिल्म फेस्टिव्हलचा अविभाज्य भाग राहिली आहे. दरवर्षी तिच्या रेड कार्पेटवरील उपस्थितीकडे जगभरातील फॅशनप्रेमींचे लक्ष लागलेले असते आणि यंदाही तिच्या लूकने चर्चेचा विषय निर्माण केला आहे.
