पुणे : नसरापूर अत्याचार प्रकरणाच्या न्यायालयीन प्रक्रियेला अखेर सुरुवात झाली असून, या प्रकरणात आता महत्त्वाच्या घडामोडींना वेग आला आहे. पुणे ग्रामीण पोलिसांनी अवघ्या १५ दिवसांत तब्बल ११०० पानांचे दोषारोपपत्र न्यायालयात दाखल केल्यानंतर या खटल्याची सुनावणी सुरू झाली. काल या प्रकरणाची पहिली महत्त्वाची सुनावणी पार पडली असून, सुरक्षा आणि तांत्रिक कारणांमुळे मुख्य आरोपीला व्हिडिओ कॉन्फरन्सिंगद्वारे न्यायालयासमोर हजर करण्यात आले होते.
पुणे : पुण्यातून एक संतापजनक आणि धक्कादायक घटना समोर आली आहे. प्रेमात आंधळा झालेल्या एका माथेफिरू तरुणाने तरुणी आणि तिच्या मित्रावर अॅसिडसदृश ...
या सुनावणीदरम्यान तपास अधिकाऱ्यांनी न्यायालयासमोर दोन महत्त्वाचे अर्ज सादर केले. प्रकरणाचे गांभीर्य, आरोपीची गुन्हेगारी पार्श्वभूमी आणि तपासातील संवेदनशील बाबी लक्षात घेता पोलिसांनी आरोपीची ओळख परेड घेण्याची परवानगी मागितली. पीडित आणि साक्षीदारांच्या माध्यमातून आरोपीची अधिकृत ओळख निश्चित करण्यासाठी ही प्रक्रिया आवश्यक असल्याचे पोलिसांनी न्यायालयाला सांगितले. याशिवाय आरोपीची मानसिक स्थिती तपासण्यासाठी त्याची मानसिक वैद्यकीय चाचणी करण्याचीही विनंती करण्यात आली.
डोंबिवली : डोंबिवलीत स्वतःचा मोठा दबदबा असल्याचा आव आणत नामांकित बिल्डर, वकील आणि निवृत्त पोलीस अधिकाऱ्यांना कोट्यवधी रुपयांचा गंडा घालणाऱ्या एका ...
दरम्यान, कालची सुनावणी ही प्राथमिक स्वरूपाची होती. दोषारोपपत्र दाखल झाल्यानंतर आवश्यक कायदेशीर प्रक्रिया, अर्ज आणि पुढील सुनावणीसंदर्भातील बाबींवर न्यायालयात चर्चा झाली. न्यायालयाने या प्रकरणाचे गांभीर्य लक्षात घेत पुढील सुनावणीची तारीख २८ मे निश्चित केली आहे. त्या दिवसापासून या प्रकरणाची नियमित सुनावणी सुरू होणार आहे.
मुंबई : मुंबईतील वर्सोवा-जुहू लिंक रोडवर एका भरधाव बसने अक्षरशः धुमाकूळ घातल्याची धक्कादायक घटना घडली. चालकाचे नियंत्रण सुटल्यानंतर या बसने ...
या प्रकरणात जलदगतीने तपास पूर्ण करून आरोपपत्र दाखल करण्यात आल्याने आता संपूर्ण जिल्ह्याचे लक्ष या खटल्याकडे लागले आहे. पीडितेला लवकरात लवकर न्याय मिळावा, अशी मागणी नागरिकांकडून करण्यात येत आहे.