मुंबई : नीट युजी २०२६ पेपरफुटी प्रकरणी मनीषा मांढरेला १४ दिवसांची सीबीआय कोठडी ठोठावण्यात आली आहे. प्रश्नपत्रिका तयार करणाऱ्या समितीत तज्ज्ञ म्हणून नेमणूक झालेल्या मनीषा मांढरे यांचा संबंध थेट प्रश्न तयार करणे आणि त्यांची विशिष्ट प्रकारे मांडणी करणे याच्याशी होता. या पदाचा आणि अधिकाराचा गैरवापर करत मनीषा मांढरेने प्रश्नपत्रिकेतील माहिती निवडक विद्यार्थ्यांना पुरवली आणि स्वतःचा मोठा आर्थिक फायदा करून घेतला. ही माहिती उघड होताच सीबीआय तसेच नीट परीक्षा देणारे विद्यार्थी आणि त्यांचे पालक हादरले आहेत.
पुण्यातील धनकवडी येथील टीडीआर प्रकरणाला उपमुख्यमंत्री शिंदे यांनी दिली तात्पुरती स्थगिती दोन्ही पक्षांची सुनावणी घेऊन नंतरच अंतिम निर्णय ...
प्रामाणिकपणे परिश्रम करणाऱ्या विद्यार्थ्यांच्या भविष्याशी खेळणाऱ्या पेपरफुटी प्रकरणाशी संबंधित सर्व आरोपींना कठोर शिक्षा करावी अशी मागणी जोर धरू लागली आहे. सीबीआयने दिल्लीच्या राउस अॅव्हेन्यू कोर्टाला दिलेल्या माहितीनुसार, मनीषा मांढरे ही वनस्पतीशास्त्र आणि प्राणीशास्त्र विषयांच्या प्रश्नपत्रिकांचे भाषांतर करण्याचे काम करत होती. मूळ प्रश्नपत्रिका तिच्या हाती होती. या प्रश्नपत्रिकेचा गैरवापर करत मनीषाने संपूर्ण परीक्षा यंत्रणेची विश्वासार्हताच धोक्यात आणली. विश्वासघात केला. मनीषा मांढरे ही पेपरफुटी प्रकरणातील एक महत्त्वाचा दुवा असल्याचे सीबीआयने सांगितले. मनीषा मांढरे आणि पीव्ही कुलकर्णी यांनी संगनमताने प्रश्नपत्रिका पुढे पोहोचविण्याचे काम केल्याचेही सीबीआयने सांगितले.
मुंबई : मुंबईत उघड्यावर कुर्बानी देण्यास बंदी घाला, अशी मागणी भाजप नेते किरीट सोमय्या यांनी केली आहे. बीएमसी आणि मुंबई पोलीस यांना निवेदन देऊन किरीट ...
शुभम हे एक प्यादं आहे.मनीषा मांढरेने पीव्ही कुलकर्णीला हाताशी धरून आणि शुभम तसेच त्याच्या ओळखीतल्यांची मदत घेऊन प्रश्नपत्रिका फोडली, असा गंभीर सीबीआयने केला आहे.
महापालिका आयुक्तांनी दिले संबंधित खात्यांसह सहायक आयुक्तांनाही निर्देश मुंबई : सध्या सुरू असलेली सर्व रस्त्यांची कामे दिनांक ३१ मे २०२६ पर्यंत ...
विद्यार्थ्यांच्या पालकमांनी मोजले लाखो रुपये
नीट परीक्षेला बसलेल्या काही विद्यार्थ्यांच्या पालकांनी लाखो रुपये मोजून प्रश्नांची माहिती खरेदी केली. ही माहिती मुलांना पुरवली. प्रश्नांची माहिती अनेकांना पैसे घेऊन व्हॉट्सअॅप आणि टेलिग्रामद्वारे पुरवली गेली. तर काही जणांना सराव प्रश्नपत्रिका घेण्याच्या निमित्ताने प्रश्नांची माहिती देण्यात आली. या प्रकरणात सीबीआय अधिक माहिती जाणून घेण्यासाठी निवडक विद्यार्थी आणि काही पालक यांची सखोल चौकशी करत आहे. या चौकशीतून आणखी धक्कादायक माहिती हाती येण्याची शक्यता आहे.
मुंबई : घनकचरा व्यवस्थापन नियमांनुसार मोठ्या प्रमाणात कचरा निर्माण करणाऱ्या संस्था व व्यक्तींनी महानगरपालिकेकडे नोंदणी करणे बंधनकारक आहे. मात्र, ...
आतापर्यंत नऊ जणांना अटक
- नीट यूजी २०२६ पेपरफुटी प्रकरणी आतापर्यंत नऊ जणांना सीबीआयने अटक केली आहे. आणखी काही जणांना लवकरच अटक होण्याची शक्यता आहे. आतापर्यंत अटक केलेल्या आरोपींमध्ये महाराष्ट्रातील पाच, राजस्थानमधील तीन आणि हरियाणातील एकाचा समावेश आहे.
- निवृत्त प्राध्यापक पी. व्ही. कुलकर्णी, पुणे, महाराष्ट्र : मूळचे लातूरचे. कोचिंग क्लासमधून सराव परीक्षेच्या नावाखाली विद्यार्थ्यांना परीक्षेचे प्रश्न सांगितल्याचा आरोप
- प्राध्यापिका मनीषा मांढरे, पुणे, महाराष्ट्र : कोचिंग क्लासमधून सराव परीक्षेच्या नावाखाली विद्यार्थ्यांना परीक्षेचे प्रश्न सांगितल्याचा आरोप
- मनीषा वाघमारे, पुणे, महाराष्ट्र : व्यवसायाने ब्युटीशियन. विद्यार्थी आणि पेपर फोडणारे शिक्षक यांच्यातील मध्यस्तीचे काम केल्याचा आरोप
- शुभम खैरनार, नाशिक, महाराष्ट्र : परीक्षेचे प्रश्न सार्वजनिक केल्याचा आरोप
- धनंजय लोखंडे, अहिल्यानगर, महाराष्ट्र : शुभमचा मित्र, परीक्षेचे प्रश्न सार्वजनिक केल्याचा आरोप
- मांगीलाल बिवल, जयपूर, राजस्थान : पेपरफुटी प्रकरणाशी संबंधित आरोपी
- विकास बिवल, जयपूर, राजस्थान : पेपरफुटी प्रकरणाशी संबंधित आरोपी
- दिनेश बिवल, जयपूर, राजस्थान : पेपरफुटी प्रकरणाशी संबंधित आरोपी
- यश यादव, गुरुग्राम, हरियाणा : पेपरफुटी प्रकरणाशी संबंधित आरोपी
CBI ने चौकशीसाठी ताब्यात घेतलेले संशयित
- ओंकार शिंगोटे, पुणे, महाराष्ट्र : शुभमचा मित्र, परीक्षेचे प्रश्न सार्वजनिक केल्याचा आरोप
- राकेश मंदावरिया, राजस्थान : आरके कन्सल्टन्सी या MBBS कन्सल्टन्सी फर्मचा चालक
WhatsApp, Telegram : परीक्षेचे प्रश्न सार्वजनिक करण्यासाठी वापरलेली Apps