मुंबई : देशभरातील गिग वर्कर्सनी आज, १६ मे रोजी देशव्यापी संपाची हाक दिली असून त्याचा परिणाम अनेक लोकप्रिय ॲप-आधारित सेवांवर होणार आहे. स्विगी, झोमॅटो, ब्लिंकिट, झेप्टो, ओला, उबर, रॅपिडोसह अॅमेझॉन डिलिव्हरी सेवांमध्ये काम करणारे लाखो कर्मचारी या आंदोलनात सहभागी होणार आहेत. वाढत्या इंधन दरांमुळे आर्थिक ताण वाढल्याचा दावा करत गिग-प्लॅटफॉर्म सर्व्हिस वर्कर्स युनियनने हा संप पुकारला आहे.
मुंबई : मुंबई ते हैदराबाद दरम्यान प्रस्तावित बुलेट ट्रेन प्रकल्पाबाबत मोठी आणि महत्त्वाची माहिती समोर आली आहे. देशातील महत्त्वाकांक्षी हायस्पीड ...
LPG, CNG, दूध तसेच पेट्रोल-डिझेलच्या किमतींमध्ये सातत्याने वाढ होत असल्याने गिग वर्कर्समध्ये नाराजी आहे. विशेषतः पेट्रोल-डिझेलच्या दरात नुकतीच प्रति लिटर तीन रुपयांची वाढ झाल्यानंतर आंदोलन अधिक तीव्र झाले आहे. याच पार्श्वभूमीवर तब्बल १.२ कोटी गिग वर्कर्सनी देशव्यापी संपाची घोषणा केली आहे.
गिग-प्लॅटफॉर्म सर्व्हिस वर्कर्स युनियनचे म्हणणे आहे की, वाढत्या महागाईमुळे आणि इंधन दरवाढीमुळे गिग वर्कर्सच्या रोजच्या कमाईवर मोठा परिणाम होत आहे. बहुतांश डिलिव्हरी बॉय आणि कॅब चालक हे बाइक किंवा स्कूटरवर अवलंबून असल्याने इंधन खर्चात वाढ झाल्यास त्यांचा नफा कमी होत आहे.
युनियनने सरकार आणि संबंधित कंपन्यांकडे प्रति किलोमीटर सेवा दर वाढवण्याची मागणी केली आहे. इंधन दरवाढीनंतर किमान २० रुपये प्रति किलोमीटर सेवा दर निश्चित करण्यात यावा, अशी त्यांची मागणी आहे. तसेच गिग वर्कर्सच्या मानधनासाठी स्पष्ट मार्गदर्शक तत्त्वे जाहीर करण्याची मागणीही त्यांनी सरकारकडे केली आहे.