मुंबई : राष्ट्रवादी काँग्रेसचे (अजित पवार गट) प्रदेशाध्यक्ष सुनील तटकरे (Sunil Tatkare) आणि राष्ट्रीय कार्याध्यक्ष प्रफुल्ल पटेल हे तब्बल २२ आमदारांसह आगामी विधानसभा निवडणूक (Assembly Elections) भाजपच्या चिन्हावर लढणार असल्याचा खळबळजनक दावा शरद पवार गटाचे आमदार रोहित पवार (Rohit Pawar) यांनी बुधवारी केला. तटकरे यांनी मंगळवारी रात्री शरद पवारांची घेतल्याचे निमित्त साधत रोहित पवारांनी हा दावा केला आणि नव्या वादाला फोडणी दिली. (Rohit Pawar's claim)
सुनील तटकरे यांनी 'सिल्व्हर ओक'वर जाऊन शरद पवारांची भेट घेतल्याने चर्चांना उधाण आले. यावर भाष्य करताना रोहित पवार म्हणाले की, "सुनील तटकरेंना कदाचित सिल्व्हर ओकचा चहा आवडत असेल, म्हणून ते तिथे गेले असावेत. पण माझ्या माहितीनुसार, सुनील तटकरे आणि प्रफुल्ल पटेल हे २२ आमदार घेऊन भाजपमधूनच निवडणूक लढवणार आहेत. केवळ राष्ट्रवादीच नव्हे, तर उपमुख्यमंत्री एकनाथ शिंदे (Eknath Shinde) यांच्या शिवसेनेचेही काही आमदार भाजपच्या गळाला लागले आहेत. मावळचे आमदार सुनील शेळके (Sunil Shelke) हे देखील भाजपच्या चिन्हावर लढणार हे नक्की झाले आहे", असा दावा त्यांनी केला. (Rohit Pawar's claim)
परिवहन मंत्री प्रताप सरनाईक यांचे आदेश; दीर्घकालीन उपाययोजनांसाठी समितीची स्थापना मुंबई : राज्यातील खासगी प्रवासी बस वाहतूकदारांकडून केली जाणारी ...
तटकरे आणि शेळकेंचे प्रत्युत्तर
रोहित पवारांच्या या दाव्यावर सुनील तटकरे (Sunil Tatkare) यांनी अत्यंत त्रोटक शब्दांत प्रतिक्रिया दिली. "मी रोहित पवारांच्या मताला अजिबात किंमत देत नाही," असे म्हणत त्यांनी हा विषय संपवून टाकला. दुसरीकडे, आमदार सुनील शेळके (Sunil Shelke) यांनी रोहित पवारांवर (Rohit Pawar) सडकून टीका केली. "रोहित पवार गेल्या काही महिन्यांपासून सवंग प्रसिद्धीसाठी सातत्याने खोटे बोलून जनतेची दिशाभूल करत आहेत. २०२९ मध्ये स्वतः रोहित पवार (Rohit Pawar) काँग्रेसकडून बारामतीत उभे राहण्याचा प्लॅन करत आहेत, हे आम्हाला माहिती आहे. पक्षात चलबिचल करण्याचा त्यांचा प्रयत्न यशस्वी होणार नाही," असे शेळके यांनी सांगितले.
पुणे : संपूर्ण देशात खळबळ माजवून देणाऱ्या 'नीट' (NEET) परीक्षेतील पेपरफुटी प्रकरणाचे धागेदोरे आता पुण्यातही सापडले आहेत. या प्रकरणाचे थेट कनेक्शन ...
शरद पवारांच्या भेटीबाबत स्पष्टीकरण
सुनील तटकरे यांनी सोशल मीडियावर (Social media) पोस्ट करत आपल्या भेटीचे स्पष्टीकरण दिले आहे. "पवार साहेबांची प्रकृती बरी नसल्याने त्यांची विचारपूस करण्यासाठी ही भेट घेतली होती. सहा दशके त्यांनी देशाच्या राजकारणात योगदान दिले असून, त्यांच्या मार्गदर्शनाखाली मी काम केले आहे. या भेटीत कोणताही राजकीय हेतू नव्हता," असे तटकरे (Sunil Tatkare) यांनी स्पष्ट केले.
