चेन्नई: आयपीएल २०२६ मध्ये रविवारी झालेल्या Chennai Super Kings आणि Lucknow Super Giants यांच्यातील सामन्यानंतर नव्या वादाला सुरुवात झाली आहे. यापूर्वी Rajasthan Royals संघावर नियमभंगाचा आरोप झाला होता. आता लखनऊ संघावरही Board of Control for Cricket in India (बीसीसीआय) च्या नियमांचे उल्लंघन केल्याचा आरोप होत आहे.सामन्यादरम्यान लखनऊच्या डगआउटमध्ये एका व्यक्तीने मोबाईल फोन वापरल्याचे दृश्य कॅमेऱ्यात कैद झाले. हा व्हिडिओ सोशल मीडियावर व्हायरल झाल्यानंतर क्रिकेट चाहत्यांमध्ये आणि तज्ज्ञांमध्ये चर्चा रंगली आहे.
नेमके प्रकरण काय ?
सामना सुरू असताना दूरदर्शन प्रसारणादरम्यान कॅमेरा लखनऊच्या डगआउटकडे वळवण्यात आला. त्यावेळी एक व्यक्ती मोबाईल फोनवर बोलताना दिसल्याचे स्पष्टपणे कॅमेऱ्यात कैद झाले.मात्र हे दृश्य खरोखरच डगआउटमधील होते की स्टेडियममधील व्हीआयपी विभागातील, हे अद्याप स्पष्ट झालेले नाही. तसेच मोबाईल वापरताना दिसलेली व्यक्ती नेमकी कोण होती, याबाबतही अधिकृत माहिती समोर आलेली नाही.
मुंबई : पाच वेळा आयपीएल विजेतेपद जिंकणाऱ्या मुंबई इंडियन्सच्या यंदाच्या हंगामाचा शेवट अत्यंत नाट्यमय पद्धतीने झाला. रायपूरमध्ये झालेल्या थरारक ...
बीसीसीआयचे नियम काय सांगतात?
Board of Control for Cricket in India च्या नियमांनुसार सामन्यादरम्यान डगआउटमध्ये मोबाईल फोन वापरण्यास कडक बंदी आहे. संघ स्टेडियममध्ये दाखल झाल्यानंतर सर्व सदस्यांकडून मोबाईल फोन जमा करून घेतले जातात. केवळ टीम मॅनेजरलाच विशिष्ट परिस्थितीत फोन वापरण्याची परवानगी दिली जाते.
यापूर्वीही झाली आहे कारवाई
याच हंगामात Rajasthan Royals संघाचे व्यवस्थापक रोमी भिंडर यांच्यावरही अशाच प्रकारच्या नियमभंगासाठी कारवाई करण्यात आली होती. Royal Challengers Bengaluru विरुद्धच्या सामन्यात ते डगआउटमध्ये मोबाईल वापरताना दिसल्याने Board of Control for Cricket in India ने त्यांच्यावर एक लाख रुपयांचा दंड ठोठावला होता.आता लखनऊच्या या प्रकारावर बीसीसीआय काय निर्णय घेते, याकडे सर्वांचे लक्ष लागले आहे