सोलापूर : सोलापूरमध्ये भीषण अपघाताची घडली आहे. सोलापूर-अक्कलकोट महामार्गावरील रूद्देवाडी बसस्थानकाजवळ अपघात घडला आहे. एसटी बस व मुरूमाने भरलेल्या डंपरचा भीषण अपघात झाला असून हा अपघात आज सोमवारी दुपारी २ वाजण्याच्या सुमारास घडला आहे. हृदयद्रावक म्हणजे अपघातानंतर डंपरने पेट घेतल्याने दोन प्रवाशांचा मृत्यू झाला आहे. (Serious accident on Solapur-Akkalkot highway)
मिळालेल्या प्राथमिक माहितीनुसार, अक्कलकोट होऊन गाणगापूर कडे जाणाऱ्या बसला रुद्देवाडी बसस्थानकाजवळ मुरूमाने भरलेल्या डंपरने समोरून धडक दिली. या धडकेत एसटी बसचे प्रचंड नुकसान झाले आहे. अपघातानंतर पुढे जाऊन डंपर उलटला आणि डंपरने पेट घेतला. बसमधील अनेक प्रवासी किरकोळ तर काही प्रवास गंभीर जखमी झाले आहेत. (Serious accident on Solapur-Akkalkot highway)
या अपघातात दोन प्रवाशांचा मृत्यू झाला असून मृत्यूचा आकडा वाढण्याची शक्यता पोलिसांनी वर्तविली आहे. अपघातानंतर मदतीसाठी ग्रामस्थ धावले. घटनेची माहिती मिळताच पोलीस घटनास्थळी दाखल झाले आहेत. जखमींना उपचारासाठी जवळच्या रूग्णालयात दाखल करण्यात येत आहे.
