अमेरिकेची राजधानी वॉशिंग्टन, डी.सी. (Washington, D.C.) येथील प्रतिष्ठित हिल्टन हॉटेलमध्ये व्हाईट हाऊस कॉरस्पॉन्डंट्स असोसिएशनच्या वार्षिक स्नेहभोजनादरम्यान अचानक गोळीबार झाल्याने मोठी खळबळ उडाली. या घटनेनंतर सुरक्षा यंत्रणांनी तातडीने कारवाई करत अमेरिकेचे राष्ट्राध्यक्ष डोनाल्ड ट्रम्प (Donald Trump) आणि फर्स्ट लेडी मेलानिया ट्रम्प (Melania Trump) यांना सुरक्षित स्थळी हलवले.
कार्यक्रम सुरू असतानाच मोठ्या आवाजांचे स्फोटासारखे धक्कादायक आवाज ऐकू आल्याने उपस्थितांमध्ये घबराट पसरली. प्राथमिक माहितीनुसार, संशयित हल्लेखोराला सुरक्षा दलांनी चकमकीत ठार केल्याची माहिती समोर येत आहे, तर इतर काही संशयितांना ताब्यात घेण्यात आले आहे. मात्र, हा आवाज नेमका गोळीबाराचा होता की इतर काही कारणामुळे झाला, याबाबत अजूनही स्पष्टता नाही.
घटनेनंतर डोनाल्ड ट्रम्प (Donald Trump) यांनी पत्रकार परिषद घेऊन परिस्थितीची माहिती दिली. त्यांनी सांगितले की, “ही घटना पूर्णपणे अनपेक्षित होती. मात्र, सीक्रेट सर्व्हिस आणि कायदा अंमलबजावणी करणाऱ्या यंत्रणांनी अत्यंत तत्परतेने कारवाई केली. शस्त्रांनी सुसज्ज असलेल्या एका व्यक्तीने सुरक्षा चौकीवर हल्ला केला होता, ज्याला आमच्या सुरक्षा दलांनी वेळीच निष्प्रभ केले.”
इस्लामाबाद : अमेरिका आणि इस्रायलने २८ फेब्रुवारी २०२६ रोजी इराणवर हवाई हल्ले सुरू केले आणि पश्चिम आशियात युद्धाला सुरुवात झाली. हे युद्ध थांबण्याची ...
ते पुढे म्हणाले की, “घटनेत पारदर्शकता राखण्यासाठी मी या प्रकरणाचा व्हिडिओ सार्वजनिक करण्याचे आदेश दिले आहेत. यात हल्लेखोराची हिंसक कृती आणि सुरक्षा दलांची जलद प्रतिसाद क्षमता स्पष्ट दिसून येईल.”
दरम्यान, या संपूर्ण घटनेचा तपास सुरू असून, पुढील काही तासांत अधिक माहिती समोर येण्याची शक्यता व्यक्त केली जात आहे.