पुणे : Everyone Sorry असं स्टेट्स ठेवलं आणि पुण्यातील २७ वर्षीय तरुण अचानक गायब झाला. कुटुंबीयांची तरुणाला शोधण्यासाठी एकच धावाधाव झाली मात्र दिन दिवसांनी सापडला तो तरुणाचा मृतदेह. पुण्यातील खडकी येथे ही धक्कादायक घटना समोर आली आहे.
नेमकं प्रकरण काय ?
अमर राजेंद्र कदम (वय 27) हा युवक पुण्यातील खडकी येथून गेल्या दोन दिवसांपासून बेपत्ता होता. दरम्यान या युवकाचा राजगड तालुक्यातील वरसगाव धरणाच्या बॅकवॉटरमध्ये मृतदेह आढळला. हा तरुण गायब झाल्यानंतर खडकी पोलीस स्टेशनमध्ये मिसिंगची तक्रार दाखल करण्यात आली होती. तक्रार दाखल होताच पोलिसांनी शोधाशोध केली, दरम्यान तरुणाचा मृतदेह आढळून आला. या घटनेने कुटुंबावर एकच शोककळा पसरली आहे.
पुण्यातील खडकीतील अमर राजेंद्र कदम (वय 27) हा युवक गेल्या दोन दिवसांपासून बेपत्ता होता. याबाबत खडकी पोलीस स्टेशनमध्ये मिसिंगची तक्रार दाखल करण्यात आली होती. पोलीस तपासात साईव खुर्द परिसरातील वरसगाव धरणाच्या बॅकवॉटर भागात त्याचे ओळखपत्र, कपडे, मोबाईल आदी वस्तू आढळून आल्याने परिसरात खळबळ उडाली. घटनेची माहिती मिळताच हवेली आपत्ती व्यवस्थापन रेस्क्यू टीमला पाचारण करण्यात आले. प्राथमिक पाहणीत संबंधित ठिकाणी पाण्याचा खोल प्रवाह असल्याचे निदर्शनास आले. त्यानुसार तातडीने शोधमोहीम राबविण्यात आली.
साईव खुर्द परिसरातील वरसगाव धरणाच्या बॅकवॉटर (Varasgaon Dam Backwater) भागात त्यांचे ओळखपत्र, कपडे, मोबाईल आदी वस्तू आढळून आल्याने हवेली आपत्ती व्यवस्थापन रेस्क्यू टीमला पाचारण करण्यात आलं होतं. त्यानंतर या टीमने खोल पाण्यात शोध घेतला. यावेळी त्याचा मृतदेह आढळून आला. त्याने आत्महत्या केली असावी, असा प्राथमिक अंदाज व्यक्त करण्यात येत आहे. त्याने ‘Everyone Sorry’ असा स्टेटस मोबाईलवर ठेवला असल्याची माहितीही समोर आली आहे. यावरून अमरने आत्महत्या करण्याचा निर्णय घेऊनच आत्महत्या केल्याचं सांगितलं जात आहे. पण त्याच्या आत्महत्या करण्यामागचं कारण अद्याप स्पष्ट झालेलं नाही. अधिक तपास पोलिसांकडून सुरु आहे.
